ئاگادارینامەکان

ڕۆژی پێنجشەممە ڕێکەوتی ٢٩/٥/٢٠٢٥کاتژمێر ١٠ی سەرلەبەیانی لە کتێبخانەی گشتی پێنجوێن،لەچوارچێوەی کاروچالاکییەکانی پڕۆگرامی پێنجوێن شاری فێربوون سیمینارێک بەناونیشانی"شۆفێرێکی پەروەردەیی بەرپرسیار" بۆ بەڕێز دکتۆر محمدخانی ڕێکدەخرێت.ئامانجەکانی سیمینار، بریتین لە گەیاندنی ئاگاداری دەربارەی بەرپرسیارێتی شۆفێران لە کۆمەڵگا، پەروەردەکردنی شیاوی شۆفێران و باشترکردنی کەسایەتییان، کەمکردنەوەی ڕووداوەکانی ڕێگا و دروستکردنی ئاسایشی هاتووچۆ، هەروەها بەرزکردنەوەی ئاستی زانیاری و شارەزایی شۆفێران.ئەم سیمینارە بۆ هەموو ئەو کەسانەیە کە پەیوەندییان بە بوارەکانی شۆفێرانی هەموو جۆرەکانی ئۆتۆمبێل، فێرکارانی شۆفێری لە قوتابخانەکان، کارمەندانی ئیدارەی هاتووچۆ و گواستنەوە، هەروەها خەڵکی بەرپرسیار و خۆشەویستانی کۆمەڵگاوە هەیە.ئەم چالاکییە لە چوارچێوەی هەوڵەکانی بەردەوامی پێگەیشتن بە کۆمەڵگایەکی ئاسوودەتر و بەرپرسیارانەتر ڕێکدەخرێت. بەشداریکردن بۆ هەموان کراوەیە و هیچ تێچووێکی نییە."شۆفێرێکی پەروەردەیی بنەمای کۆمەڵگایەکی ئاسوودەیە پارێزراوە لە ڕوداوی نەخوازراو"

سیمینارێکی گرنگ و بەسود بۆ مامۆستاکانی قوتابخانەی گەرمکی بنەڕەتی کە لەلایەن بەڕێز(مامۆستا ئومێد عمر اسماعیل)کە ئەندامی بۆردی باڵای پرۆژەی پێنجوێن شاری فێربوونە کە تیایدا باس لە تایبەتمەندیەکانی پلان دانان و قۆناغەکانی چۆنیەتی پلاندانان و جێبەجێکردنی کارایی و باشتر کردنی سەرچاوەکان بڕیاردان و جێبەجێ کردنی،گرفت و کەموکوڕییەکانی پلاندانان باس کرا. لەلایەن بەڕێوەبەری قوتابخانەی گەرمکی بنەڕەتی سوپاس و پێزانین بەخشرایە پرۆژەی پێنجوێن شاری فێربوون زۆر سوپاس بۆ مامۆستایانی قوتابخانەی گەرمکی بنەڕەتی و مامۆستا (ئازاد محمد ) کە زۆر هاوکارمان بوون لە بەڕێوەبردنی سیمینارەکە..

لە چوارچێوەی کار و چالاکییە ژینگەیی و کشتوكاڵییەکانی پڕۆگرامی پێنجوێن شاری فێربوون و بەڕەچاوکردنی پێگەی کشتوکاڵی شارۆچکەی پێنجوێن و دەورووبەری ڕۆژی سێشەممە، 15/4/2025 - کاتژمێر 10:30 پێشنیوەڕۆ، لە ناحییەی ناڵپارێز سیمینارێک لەژێر ناونیشانی(پاراستنی ژینگە ،گەشەی کشتوکاڵ ،بناغەی داهاتوویەکی تەندروست) بۆ بەڕێزدکتۆر محمدخانی ئەندامی بۆردی باڵای پڕۆگرامی پێنجوێن شاری فێربوون و مامۆستای زانکۆ ڕێکدەخرێت، بەمەبەستی باسکردن لە چارەسەرە نوێیەکان بۆ بەرەنگاربوونەوەی کێشە ژینگەییەکان و بەرزکردنەوەی ئاستی بەرهەمی کشتوکاڵ بە شێوەیەکی بەردەوام.هاتن بۆ هەموانە ..شوێن: پێنجوێن - ناحییەی ناڵپارێز - هۆڵی بەڕێوەبەرایەتی ناحییەی ناڵپارێز.

پڕۆگرامی پێنجوێن شاری فێربوونسیمینارێکی تایبەت بە "چۆن بتوانین لە ڕێگەی پاراستنی خاکەوە تام و بۆنی سروشتی بگێڕینەوە بۆ خۆراکەکانمان"، بۆ بەڕێز م. مسلم سلێمان، خوێندکاری دکتۆرا (پسپۆڕی بەپیتی خاک و پەینەکان)، ڕێکدەخات.....هاتن بۆ هەموانە....ڕۆژ: پێنج شەممەکات: ٢:٠٠ ی پاش نیوەڕۆشوێن: پێنجوێن کتێبخانەی گشتی پێنجوێن - نهۆمی دووەم.بیرۆکەی سەرەکی: ناساندنی ڕۆڵی خاک لە پاراستنی تەندروستی خۆراک و چۆنێتی گەڕاندنەوەی چێژی سروشتی بە بەکارهێنانی پەینە باشەکان.بێنە بەشداری بکەین و زانست و ئەزموون بخەینە ڕێی پاراستنی خاک و ژیان!ئامانج ئەم سیمینارە :- ناساندنی گرنگی پاراستنی خاک بۆ ژیانی سەلامەت.- ڕێگا کاریگەرەکان بۆ گەڕاندنەوەی چێژ و کوالێتی سروشتی خۆراکەکان.- ئاشناکردن بە پەینە نوێیەکانی خاک بۆ کشتوکاڵی بەردەوام.

سیمینارێکی گرنگ و تایبەت سەبارەت بە فشاری دەروونی لەلایەن پسپۆری دەروونی و ڕاهێنەر (ڕەنگین نوری عزیز)ەوە پێشکەش بکرێت.لەم سیمینارەدا،ڕەنگین نوری کە خاوەن ئەزموونێکی ١٤ ساڵەیە لە بواری ڕێنمایی دەروونی و پەروەردەیی و نووسەری دوو نامیلکەی گرنگی پەروەردەییە، باس لە چەمکی فشاری دەروونی و چۆنیەتی زاڵبوون بەسەریدا دەکات.سیمینارەکە ڕۆژی پێنج شەممە، ڕێکەوتی ٢٧-٢-٢٠٢٥، کاتژمێر ٢ی پاش نیوەڕۆ بەڕێوە دەچێت و تێیدا تیشک دەخرێتە سەر پێناسەی فشاری دەروونی، هۆکار و نیشانەکانی، هەروەها باسکردنی ڕێگاچارە و ڕێنماییە پێویستەکان بۆ بەرەنگاربوونەوەی.جێی ئاماژەیە کە ڕەنگین نوری ڕاهێنەری بریتش کاونسڵ و هاوکات کەسایەتییەکی چالاکە لە بوارەکانی کۆمەڵایەتی، ژینگەپارێزی و کاری خێرخوازیدا.دەرگای بەشداریکردن لەم سیمینارە بۆ هەموو کەسێک کراوەیە و هاتن بۆ هەموانە.شوێن: کتێبخانەی گشتی پێنجوێن - نهۆمی دووەم.

پڕۆگرامی پینجوێن شاری فێربوونپێشبڕکێیەکی تایبەت بەهونەری وێنەکێشان بۆ بەهرەمەندانی شارۆچکەی پێنجوێن ڕێکدەخات،ئامانج لەم پێشبڕکێیە دەرخستن و پەرەپێدانی توانا هونەرییەکانی بەشداربووانە لە بواری وێنەکێشاندا.بۆ بەشداریکردن، پێویستە بەشداربووان ئەم مەرجانەیان تێدابێت:１- ئەزموونی پێشووی وێنەکێشانیان هەبێت.２- شارەزاییان لە بەکارهێنانی بۆیەی ئەکریلیک هەبێت.３- پێویستە بەشداربوو بتوانێت لەسەر لەوحەی کانڤاس کار بکات.４- مەرجە بەشداربوو دانیشتووی شارۆچکەی پێنجوێنبێت.ئەم پێشبڕکێیە دەرفەتێکی باشە بۆ هونەرمەندە گەنجەکان تا بەهرەکانیان پیشان بدەن و تەکنیکی نوێی وێنەکێشان فێر ببن. هەروەها دەبێتە هۆی دەوڵەمەندکردنی ژیانی کەلتووری و هونەری شاری پینجوێن.خوازیار دەتوانێت لەڕێگەی ئەم فۆڕمە ئۆنلاینەوە ناوتۆماربکات:https://forms.gle/3XTkgsXPAAD6oKEC6ناو تۆمارکردن بەردەستە تاکو ڕێکەوتی ١-٢-٢٠٢٥لە کۆتایی مانگی ٢ی ٢٠٢٥ کێبەڕکێکە ئەنجام دەدرێت.

لەژێر چاودێری قائمقامیەتی قەزای سەیدسادق، ڕێکخراوی ئازادی لاوانی کوردستان - سەنتەری قەزای سەیدسادق بە هاوبەشی پڕۆژەی پێنجوێن شاری فێربوون. پ.ی.دکتۆر محمدخانی ڕێکەوتی ١٦-١٢-٢٠٢٤ قەزای سەیدسادق - هۆڵی ڕۆشنبیری

کۆڕێکی گشتی لەهۆڵی قوتابخانەی گەرمکی بنەڕەتی لە لایەن پڕۆگرامی پێنجوێن شاری فێربوونەوە بۆ بەڕێز (پ.ی.دکتۆر محمدخانی) بە ناونیشانی (بەهاکان و خێزان و کۆمەڵگە) سازدەکرێت.هاتن بۆ هەموانە و بەهاتنتان خۆشحاڵدەبین.شوێنی کۆڕ: هۆڵی قوتابخانەی گەرمکی بنەڕەتی.ڕۆژ: یەک شەممە.بەروار: ١٥-١٢-٢٠٢٤.کات: ١٠ی پێش نیوەڕۆ.

پڕۆگرامی پێنجوێن شاری فێربوون کۆڕێکی گشتی بۆ بەڕێز (پ.ی.دکتۆر محمدخانی) ڕێکدەخات، بەناونیشانی (فێربوونی بەردەوام کلیلی پێشکەوتن)تێبینی: هاتن بۆ هەموانە.شوێن: پێنجوێن - هۆڵی بۆنەکان.ڕۆژ: یەک شەممەبەرواری: ١٥-١٢-٢٠٢٤.کات: ١:٣٠ پاش نیوەڕۆ.

"لە پایزدا، کاتێک دارەکان جامەی سەوزی خۆیان دادەکەنن، سروشت وانەیەکی قووڵمان فێر دەکات: جوانی تەنها لە ڕووکەشدا نییە. هەر وەک چۆن دارێک دوای گەڵاڕێزان، بێ پۆشاک، هێشتا پڕە لە ژیان و بەڵێنی بەهارێکی نوێ، ئاواش مرۆڤ لە هەموو قۆناغەکانی ژیانیدا خاوەنی جوانی و بەهای خۆیەتی.بەناونیشانی:"پایز لەگەڵاش ڕووتببێتەوەباوەش بۆ جوانی هەردەگرێتەوە"پڕۆژەی پێنجوێن شاری فێربوون بەهاوبەشی کتێبخانەی گشتی پێنجوێن کۆڕێکی ئەدەبی سازدەکەن بۆ بەڕێز (د.بەهمەن تاهیر و مامۆستا علی پێنجوێنی).لە کتێبی 'ژنێک نایەوێت ژن بێت'دا، عەلی پێنجوێنی بە شێوەیەکی هونەری باس لە گەڕانی مرۆڤ بەدوای ناسنامەی ڕاستەقینەی خۆیدا دەکات. دکتۆر بەهمەن تایەر، بە توانای ڕەخنەگرانە و تێگەیشتنی قووڵی بۆ ئەدەبی هاوچەرخ، خوێندنەوەیەکی تایبەت بۆ ئەم نوسینەئەدەبیەی مامۆستا علی پێنجوێنی پێشکەش دەکات. خوێندنەوەیەک کە تیشک دەخاتە سەر ئەو ڕەهەندە شاراوانەی کە نووسەر لە چیرۆکەکەدا خستوویەتیە ڕوو.لەم کۆڕە ئەدەبیەدا، دکتۆر بەهمەن کە(دکتۆراکەی لەزمانی کوردی و پەروەردەدایە) بە شێوەیەکی ئەکادیمی و زانستی، لایەنە جیاوازەکانی ئەم بەرهەمە شیدەکاتەوە."تێبینی : وەک دیارییەک نوسەر لەکۆتایی کۆڕەکەدا کتێبی دیوانە شیعریەکەیان بەناونیشانی 'ژنێک نایەوێت ژن بێت' دەکەنە دیارییەکی ناوازە و پایزانە بۆ ئامادەبووانی کۆڕ.ڕێکەوت: ٢٦-١٠-٢٠٢٤ڕۆژی: شەممەکات: ٣:٠٠ ی پاشنیوەڕۆشوێن: کتێبخانەی گشتی پێنجوێن - نهۆمی دووەم.هاتن بۆ هەمووانە.

بە خوێندنەوە فێردەبین و گەشە دەکەین پڕۆژەی پێنجوێن شاری فێربوون هەڵمەتێکی گشتگیری خوێندنەوە لەژێر دروشمی (بە خوێندنەوە فێردەبین و گەشە دەکەین) ڕادەگەیەنێت، لە بەرواری (٦/٥بۆ ٢٠٢٤/٦/١٥) بۆ سەرجەم ئاست و چین و توێژەکانی کۆمەڵگا، بەمەبەستی هەنگاونان و هەوڵدان بۆ (بەکلتوریکردنی خوێندن)ەوە لە کۆمەڵگەدا. تێبینی: ١- خوێنەر دەتوانێت کتێب لە پڕۆژەکە و هاوکات لە کتێبخانەی گشتی پێنجوێن وەربگرێت، یاخود کتێبی خۆی بەکاربهێنێت بۆ خوێندنەوە. ٢- کتێبەکان پێویستە کتێبی هەڵبژێردراوی شیاوبن و لیژنەیەکی تایبەت لە پڕۆژەی پێنجوێن شاری فێربوون هەڵی دەبژێرن. ٣- دوای تەواوکردنی خوێندنەوەی کتێبەکە خوێنەر دەتوانێت سیمینارێک یاخود پوختەیەک لەو کتێبەی کە خوێندویەتیەوە پێشکەشی پڕۆژەکەمان بکات و لەسەر خواستی خوێنەر هاوبەشی پێدەکەین لەگەڵ خەڵکانی تردا بەبڵاوکردنەوەی بابەتەکە. ٤- پێویستە لەماوەی (١٠) ڕۆژدا خوێنەر کتێبی هەڵبژێردراو ی هاوکات خوێندنەوەکەشی تەواو بکات، واتە ماوەی دیاریکراو بۆ خوێندنەوە (١٠) ڕۆژە. گەر خوازیاری بەشداری کردنیت هەر ئێستا پەیوەندی بکە بەم ژمارە مۆبایلانەوە: 07706010404 07506010404

بە ئامانجی سەرکەوتنی خوێندکارەکانمان هەنگاو دەنێین ...بەهۆی نزیک بونەوەی کاتی دیاریکراو بۆ تێکۆشان(سەعیکردن)ی خوێندکارانی قۆناغی (١٢)ی ئامادەیی، بەڕێوبەرایەتی پەروەردەی قەزای پێنجوێن، لە چوارچێوەی(پڕۆژەی پێنجوێن شاری فێربوون) کۆڕێک رێک دەخات بۆ بەڕێز:(پڕۆفیسۆر د. رەئوف کەریم پێنجوێنی)(مامۆستای زانکۆ و راهێنەری گەشەپێدانی مرۆیی)ناونیشانی بابەت:(چۆن فشار و ترس بکەینە فاکتەری سەرکەوتن لە تاقیکردنەوەکان)ئامادەبوون تایبەتە بە خوێندکارانی پۆلی دوانزە.شوێن: هۆڵی بۆنەکانی پێنجوێنکات: کاتژمێر (٢)ی پاشنیوەڕۆرۆژ: پێنج شەممە (٢٠٢٤/٥/٩)

دارستان و ژیان (گرنگی و پاراستنی)پڕۆژەی پێنجوێن شاری فێربوون بە هەماهەنگی لەگەڵ ڕێکخراوی ملەکەوە بۆ پاراستنی ژینگە سیمینارێکی ژینگەیی بۆ بەڕێز:مامۆستا حەسەن ڕەوش (پارێزەر) نووسەر و شارەزا لە بواری دارستانەکانی زاگرۆس (ڕووەکی دارین)لەژێر ناونیشانی:دارستان و ژیان (گرنگی و پاراستنی) سازدەکەن.تێبینی : هاتن بۆ هەموانەڕۆژ: شەممە (٢٧/ ٤/ ٢٠٢٤).کات: ٢ی پاش نیوەڕۆ.شوێن: هۆڵی کتێبخانەی گشتی پێنجوێن.

کۆڕێکی ژینگەیی بۆ پڕۆفیسۆرێکی تایبەتمەند ساز دەکرێت بە ناونیشانی (دۆزینەوە و داهێنانی نوێ بۆ زانست)..خۆشحاڵین بە ئامادەبوونتان ..

ئەمڕۆ د.محمدخانی لە شارەزوور کۆڕێکی گرنگی پێشکەشکرد ... لە درێژەی کار و چالاکیەکانی پڕوژەی پێنجوێن شاری فێربوون و بەهاوکاری ئەنجومەنی گوندی گامێشتەپە ئەمڕۆ بەرواری ٢٩-٣-٢٠٢٤ لە گوندی گامێشتەپە کەم سەر بە قەزای سەید سادق کۆڕی (ئەرک و بەرپرسیارێتی تاک) لەلایەن بەڕێز (دکتۆر محمدخانی)ەوە پێشکەشکرا.. زۆر سوپاس بۆ بەڕێزان د.محمدخانی و مامۆستا فەریق حەمەساڵح و ئەندامانی ئەنجومەنی گوندی گامێشتەپە بۆ ئەنجامدانی ئەم کۆڕە گرنگە..