Announcements

پڕۆژەی پێنجوێن شاری فێربوون سیمینارێکی تایبەت بە منداڵان و نەوجەوانان، بۆ بەڕێز (هەتاو عزیز) بە ناونیشانی (گۆڕینی یاریە ئەلکترۆنیەکان بۆ یاری دەرونی) سازدەکات، بەمەبەستی هۆشیار کردنەوەی چینی نەوجەوانان و منداڵان لە و گرفت و کێشانەی کە لە ئەنجامی زۆر بەکارهێنانی یاریە ئەلکترۆنیەکانەوە ڕوبەڕویان دەبێتەوە.شوێن : کتێبخانەی گشتی پێنجوێن - نهۆمی دووەم.کات : ۹ ی پێش نیوەڕۆ ڕۆژ : ١٠-٩-٢٠٢٤ سێ شەممە

سیمیناری (زیرەکی سۆزداری و نهێنی سەرکەوتن لە کەرتی تەندروستیدا) تێبینی: تایبەتە بە کارمەندانی کەرتی تەندروستی. کات : ٢:٠٠ی پاش نیوەڕۆ گەنجانی پێنجوێن

سیمیناری (لێهاتووییەکانی خوێندکارانی بەشە پزیشکیەکان لە سەدەی ٢١ دا: هەلی بەدەستهێنانی کار لە داهاتوودا). د.عبدالفتاح هەورامی تێبینی : تایبەتە بە خوێندکارانی بەشە پزیشکیەکان. کات: ١٠:٠٠ی پێش نیوەڕۆ

٣-٩-٢٠٢٤ سیمینارێکی تایبەت لە ژێر ناونیشانی(گەنج و دەرفەتەکان) لە لایەن بەڕێز(د.محمد خانی) سازکرا کە تیایدا باس لە دەرفەتەکانی ژیان کرا

لەدرێژەی چالاکیەکانی (پڕۆژەی پێنجوێن شاری فێربوون) ئەمڕۆ چوار شەممە ٢٨/٨/٢٠٢٤ بەشی تەندروستی پڕۆژە سیمینارێکی دیکەی سازکرد بۆ کۆمەڵێک خاتوونی بەڕێزی بەشداربووی خولی دەف سیمینارەکە لە لایەن بەڕێزان (سۆزیار خالیدصالح-پەیوەست بەختیار رەفیق) پێشکەش کرا. ئەم سیمینارە تایبەت بوو بە (شێرپەنجەی مەمک)،بە ڤیدیۆو نووسین هۆشداری و ڕێنمایی درا بە خانمان کە چۆن پشکنینی پێش وەختە بکەن و ڕێگاکانی خۆپاراستن لە شێرپەنجەی مەمک ئەنجام بدەن؟! سووپاس بۆ تەواوی هاوکاران لە پرۆژەی پێنجوێن شاری فێربوون.. هیوای تەندروستیەکی باش و سەلامەتی بۆ هەموولایەک دەخوازین ...

لە دوای بڵاوبونەوەی نەخۆشی کۆلێراو هاوکات هەستکردن بە مەترسی و لێکەوتەکانی لەسەر ژیانی هاوڵاتیانی شارۆچکەی پێنجوێن پڕۆژەی #پێنجوێن_شاری_فێربوونهەڵدەستێت بە سازدانی سیمینارێک لەژێر ناونیشانی(مەترسی بڵاوبونەوەی نەخۆشی کۆلێرا لە سنوری پێنجوێن) بۆ بەڕێز (جمال سابیر حمەأمین) بەمەبەستی خستنەڕووی ئاستی زیانەکانی نەخۆشیەکە و ڕێگاکانی خۆپاراستن و ڕێگریکردن لەبڵاوبوونەوەی.ڕۆژ: یەکشەممەبەروار : ١-٩-٢٠٢٤کات: (٢)ی پاشنیوەڕۆشوێن : کتێبخانەی گشتی پێنجوێن - نهۆمی دووەم.

لەدرێژەی چالاکیەکانی (پڕۆژەی پێنجوێن شاری فێربوون) ئەمڕۆ یەک شەممە ٢٧/٨/٢٠٢٤ بەشی تەندروستی پڕۆژە دوو سیمیناری دیکەی سازکرد بۆ کۆمەڵێک خاتوونی بەڕێزی بەشداربووی خولی گرافێک دیزاین و جواننوسی شارۆچکەی پێنجوێن سیمینارەکان لە لایەن بەڕێزان (سەیران علی-سروە حسن) پێشکەش کرا. ئەم سیمینارانە تایبەت بوو بە (شێرپەنجەی مەمک)،بە ڤیدیۆو نووسین هۆشداری و ڕێنمایی درا بە خانمان کە چۆن پشکنینی پێش وەختە بکەن و ڕێگاکانی خۆپاراستن لە شێرپەنجەی مەمک ئەنجام بدەن؟! سووپاس بۆ تەواوی هاوکاران لە پرۆژەی پێنجوێن شاری فێربوون.. هیوای تەندروستیەکی باش و سەلامەتی بۆ هەموولایەک دەخوازین ...

بەرواری ٢١-٨-٢٠٢٤ پێشکەشکردنی :(پ.ی.د.عبدالفتاح هەورامی) لە سیمینارەکەدا تیشکخرایە سەر ڕۆلی لایەنی سۆزداری لەبواری کارگێری و بەڕێوەبردن و نهێنی سەرکەوتنی فەرمانبەر لەکاری ڕۆژانەدا.

بەرواری ٢١-٨-٢٠٢٤ سیمینارێک لەژێر ناونیشانی (چۆن ببینە کەسێکی بەرهەمدار لە کۆمەڵگەدا) تایبەت بە فێرخوازانی خولی فێربوونی (دەف و جواننوسی) لە لایەن (پ.ی.د.عبدالفتاح هەورامی)ەوە پێشکەشکرا. لەم سیمینارەدا باس لە هەنگاو و قۆناغە جیاوازەکانی گەشە و پەرەپێدان و بەرپرسیارێتی تاککرا لە ژیانی خۆی و پاشان کاریگەری لەناوکۆمەڵگەدا.. لەمیانی سیمینارەکەدا منداڵێکی ژیکەڵە بە بەشداری و ووتە جوانەکانی سەرنجی ئامادەبووانی بەلایخۆیدا ڕاکێشاو، بەو هۆیەشەوە لەلایەن پڕۆژەی پێنجوێن شاری فێربوونەوە وەک هاندانێک خەڵاتێکی پێشکەشکرا..

هۆشیاریەکی تەندروستی گرنگ.. لە چواچێوەی پرۆژەی پێنجوێن شاری فێربوون بەرواری ١١-٨-٢٠٢٤ لە لایەن بەشی تەندروستی پڕۆژەوە سیمینارێک سازکرا بە ناونیشانی (شێرپەنجەی مەمک) تایبەیت بە خانمان لە ناحیەی ناڵپارێز، لەم سیمینارەدا زانیاری تەواو خرایەڕوو بۆ خۆ پاراستن و دەرکەوتنی نیشانەکانی (شێرپەنجەی مەمک). لە کۆتایی سیمینارەکەشدا نامیلکەی خۆ پاراستن بەخشرا بە بەشداربووان. پێشکەشکردنی سیمینارەکە لە لایەن بەڕێزان:. سارا باقی محمود سۆزیار خالید ساڵح بەهیوای تەندروستی باش و سەلامەتی بۆ هەموولایەک. سوپاسی بێ پایان بۆ بەڕێوەبەرایەتی ناحیەی ناڵپارێز و سەرجەم ئەم کەسایەتی و لایەنانەی هاوکاری پڕۆژەی پێنجوێن شاری فێربوونن.

بەمەبەستی پێدانی ڕێنمایی و هاوکات خۆپاراستن لە کلۆربوون و خراپبوونی ددانەکانمان بەرواری ٤-٨-٢٠٢٤ لە سیمینارێکی تایبەت بە ددان کە لەلایەن دکتۆرە(ژیار کریم) پزیشکی ددانەوە پێشکەشی منداڵانی خولی هاوینەی گەشەپێدانی منداڵانی پڕۆژەی پێنجوێن شاری فێربوون کرا، بابەتێکی زانستی و هاوکات بە شێواز و ڕێگەی پزیشکی منداڵانە منداڵەکان ڕێنمایی کران بە پاراستن و خزمەتکردنی ددانەکانیان تاکو دوربن لە نەخۆشی و ئازاری ددان و لەهەمانکاتیشدا لە ئەگەری بونی هەر حاڵەتێکی نەخوازراوی ددانەکان ڕاستەوخۆ سەردانی نەخۆشخانە بکەن بەمەبەستی زوو چارەسەرکردنی کێشە تەندروستیەکانمان.

ئەمە ناونیشانی سیمینارێکی تایبەت بە چاوبوو بەرواری ٢٩-٧-٢٠٢٤ لە میانی خولی هاوینەی گەشەپێدانی منداڵانی پڕۆژەی پێنجوێن شاری فێربوون لە لایەن خاتونی پەرستار و ئەندامی بەشی تەندروستی پڕۆژەی پێنجوێن شاری فێربوون (سیڤەر محمد) ەوە پێشکەشی منداڵانی بەشداربووی خولەکەکرا. لەم سیمینارەدا منداڵەکان ڕێنمایی کران بە شێوازی پاراستنی چاوەکانیان بەشێوازی گوفتاری و کرداری بە ڤیدیۆی ئەنیمەیشنی منداڵانە نیشانیاندرا کە چۆن ئاگاداری تەندروستی چاومان ببین، و لەکۆتایی سیمینارەکەشدا هەریەک لە منداڵەکان پشکنینی سەرەتای چاویان بۆکرا

بەرواری 27-7-2024 لە چوارچێوەی (خولی هاوینەی گەشەپێدانی منداڵان) وەک بەشی تەندروستی پڕۆژەکەمان سیمینارێکی تایبەت بە شێوازی پاراستن و شتنی ددان لە لایەن خاتونی پەرستار بەڕێز (سارا باقی محمود ) پێشکەشی منداڵانی بەشداربووی خول کرا، هاوکات (فلچە و هەویری ددان) بەخشرایە هەریەکە لە منداڵانی بەشداربووی خولەکە، و لەم سیمینارەشدا بەشێوەی ڤیدیۆ و هاوکات کرداریش منداڵان ڕێنمایکران کە چۆن و بەچ بەشێوازێک ددانەکانیان خاوێن بکەنەوە و لە کلۆربون و خراپبون بیپارێزن. لە کۆتایشدا سوپاسی بەشی تەندروستی (پڕۆژەی پێنجوێن شاری فێربوون) و هاوکات سەرجەم ئەندامان و مامۆستایانی خۆبەخشی ئەم خولە گرنگ و پڕبایەخە و سەرجەم چالاکیەکانی تری پڕۆژەکەمان دەکەین.

بەمەبەستی هەوڵدان بۆ هەنگاونان بەرەو پەروەردەیەکی تەندروست و کاریگەر بۆ تاک بەتاکی کۆمەڵگا پڕۆژەی پێنجوێن شاری فێربوون سیمینارێک بە ناونیشانی (پەروەردە لە سەردەمی ئێستادا ) بۆ بەڕێز (مامۆستا تریفە جلال صالح) ساز دەکات.تێبینی : هاتن بۆ هەمووانە (خۆشحاڵ دەبین بە ئامادەبوونتان)بەرواری: ٢٤-٧-٢٠٢٤کاتژمێر : ٢:٠٠ی پاش نیوەڕۆشوێن: پێنجوێن - کتێبخانەی گشتی پێنجوێن

ڕۆڵی خانمان لە پاراستنی ژینگەدا بەرواری ١-٧-٢٠٢٤ پڕۆژەی پێنجوێن شاری فێربوون بە هەماهەنگی فەرمانگەی ژینگەی هەڵەبجە سیمینارێکی تایبەت بە ڕۆڵ و ئەرکی خانمان لە پاراستنی ژینگە پێشکەش بە ژمارەیەک خانمی شارۆچکەی پێنجوێن کرا، لە سیمینارەکەدا کە لەلایەن بەڕێز (سوبحان حسین حمە رشید)ەوە پێشکەش کرا کۆمەڵێک ڕێنمایی و هاوکات هۆشیاری ژینگەیی گرنگ خرانەڕو بەمەبەستی پاراستنی ژینگە و هەروەها تەندروستی ئەندامانی خێزانیش، کە خانمان ڕۆڵی گرنگ و کاریگەر و سەرەکیان تێدا هەیە، لەکۆتایشدا بڕوانامەی سوپاس و پێزانین لە لایەن پڕۆژەی پێنجوێن شاری فێربوونەوە بەخشرایە فەرمانگەی ژینگەی هەڵەبجە بۆ سازدانی ئەم سیمینارە ژینگەییە لە چوارچێوەی پڕۆژەی پێنجوێن شاری فێربوون