الإعلانات

پڕۆژەی پێنجوێن شاری فێربوون خولە ناوازەکەی منداڵان بە مەبەستی پەرەپێدانی تواناکانیان ڕادەگەیەنێت.. ئەم خولە تایبەتە بە منداڵانی تەمەن ٦ بۆ ٧ ساڵ مەبەست لێی لەدایک بووانی ساڵانی (٢٠١٧) و (٢٠١٨) واتە ئەو منداڵانەی ئەچنە پۆلی یەک و دەرچووی پۆلی یەک (واتە ئێستا پۆلی دوو)ن بەشدار دەبن لە خولەکەدا. کاتی خول: ٣ کاژێری ڕۆژانە ٨:٣٠ بۆ ١١:٣٠ی پێشنیوەڕۆ شوێنی خول: هۆڵەکانی پرۆژەی پێنجوێن شاری فێربوون (کتێبخانەی گشتی پێنجوێن) شێوازی ناو نووسین: دایــبـاب دەتـوانــێــت ڕۆژانـی (١٤-١٥-١٦)ی٧-٢٠٢٤) لەڕێگەی فۆڕمێکی ئۆنلاین، یاخود دەتوانن لەڕێگەی ئەم ژمارە مۆبایلانەوە ناو تۆمار بکات. ٠٧٧٠٦٠١٠٤٠٤ ٠٧٥٠٦٠١٠٤٠٤ دەستپێکی خول: ٢٠- ٧- ٢٠٢٤ ئەمەش لینکی فۆڕمی ئۆنلاینەکەیە https://docs.google.com/.../1FAIpQLSf56zB.../viewform ئەرکی دایبابان لە خولەکەدا: ئامادە کردنی قوتابی پێش کاتی دیاری کراوی ڕۆژانە لە شوێنی خولەکە. پێدانی نانی بەیانی بە قوتابیان پێش دەوام. هاوکاری کردنی قوتابیان لە ئەرکەکانی ماڵەوەدا کە ڕۆژانە لە خولەکەدا پێیان دەدرێت. بردنەوەی قوتابیان دوای دەوام لە خولەکە. پابەند بوون بە یاساکانی خول کە پێش خولەکە لە کۆبوونەوەیەکدا دەدرێت بە دایبابان. لە کۆتایشدا بڕوانامەی بەشداربوون دەدرێتە منداڵانی بەشداربووی خول.

بەرواری ١-٧-٢٠٢٤ پڕۆژەی پێنجوێن شاری فێربوون بە هەماهەنگی فەرمانگەی ژینگەی هەڵەبجە سیمینارێکی تایبەت بە ڕۆڵ و ئەرکی خانمان لە پاراستنی ژینگە پێشکەش بە ژمارەیەک خانمی شارۆچکەی پێنجوێن کرا، لە سیمینارەکەدا کە لەلایەن بەڕێز (سوبحان حسین حمە رشید)ەوە پێشکەش کرا کۆمەڵێک ڕێنمایی و هاوکات هۆشیاری ژینگەیی گرنگ خرانەڕو بەمەبەستی پاراستنی ژینگە و هەروەها تەندروستی ئەندامانی خێزانیش، کە خانمان ڕۆڵی گرنگ و کاریگەر و سەرەکیان تێدا هەیە، لەکۆتایشدا بڕوانامەی سوپاس و پێزانین لە لایەن پڕۆژەی پێنجوێن شاری فێربوونەوە بەخشرایە فەرمانگەی ژینگەی هەڵەبجە بۆ سازدانی ئەم سیمینارە ژینگەییە لە چوارچێوەی پڕۆژەی پێنجوێن شاری فێربوون

قۆناغی دووەمی خولی دووەمی دروومانی خانمان

سیمیناری بەخێوکردن و پەروەردە تایبەت بە خانمانی بەشداربووی خولی دروومان

سیمیناری تایبەت بەبەشێک لەخانمان و دایکانی پێنجوێن لەهۆڵی کتێبخانەی گشتیی پێنجوێن بەڕێوەچوو . ڕۆژی دووشەممە 10/6/2024 لەچوارچێوەی چالاکییەکانی پرۆژەی پێنجوێن شاری فێربوون ،سیمیناری تایبەت بە خوشکان ودایکان بۆ بەڕێز دکتۆر محمدخانی بەڕێوەچوو . تیایدا دکتۆر محمدخانی لەچەندین ڕووەوە باسی لە گەورەیی وگرنگی هونەری دایکایەتی کرد

سێ سیمیناری تایبەت بە (شێرپەنجەی مەمک) پێشکەش دەکرێت لەدرێژەی چالاکیەکانی (پڕۆژەی پێنجوێن شاری فێربوون) ئەمڕۆ یەک شەممە ٩/٦/٢٠٢٤ بەشی تەندروستی پڕۆژە سێ سیمیناری دیکەی سازکرد بۆ کۆمەڵێک خاتوونی بەڕێزی بەشداربووی خولی درومانی شارۆچکەی پێنجوێن سیمینارەکان لە لایەن (ژیلا عبدالرحمان-پەیوەست بەختیار-چرۆ کمال-سەیران علی-سروە حسن-گولان کمال) پێشکەش کرا. ئەم سیمینارانە تایبەت بوو بە (شێرپەنجەی مەمک)،بە ڤیدیۆو نووسین هۆشداری و ڕێنمایی درا بە خانمان کە چۆن پشکنینی پێش وەختە بکەن و ڕێگاکانی خۆپاراستن لە شێرپەنجەی مەمک ئەنجام بدەن؟! سووپاس بۆ تەواوی هاوکاران لە پرۆژەی پێنجوێن شاری فێربوون.. هیوای تەندروستیەکی باش و سەلامەتی بۆ هەموولایەک دەخوازین ...

لەدرێژەی چالاکیەکانی (پڕۆژەی پێنجوێن شاری فێربوون) ئەمڕۆ پێنج شەممە ٦/٦/٢٠٢٤ بەشی تەندروستی پڕۆژە سیمینارێکی دیکەی سازکرد بۆ کۆمەڵێک خاتوونی بەڕێزی بەشداربووی خولی درومانی شارۆچکەی پێنجوێن سیمینارەکە لە لایەن (سارا ئەحمەد) پێشکەش کرا. ئەم سیمینارە تایبەت بوو بە (شێرپەنجەی مەمک)،بە ڤیدیۆو نووسین هۆشداری و ڕێنمایی درا بە خانمان کە چۆن پشکنینی پێش وەختە بکەن و ڕێگاکانی خۆپاراستن لە شێرپەنجەی مەمک ئەنجام بدەن؟! سووپاس بۆ تەواوی هاوکاران لە پرۆژەی پێنجوێن شاری فێربوون.. هیوای تەندروستیەکی باش و سەلامەتی بۆ هەموولایەک دەخوازین ...

پڕۆژەی پێنجوێن شاری فێربوون هەڵمەتێکی گشتگیری خوێندنەوە لەژێر دروشمی (بە خوێندنەوە فێردەبین و گەشە دەکەین) ڕادەگەیەنێت، لە بەرواری (٦/٥بۆ ٢٠٢٤/٦/١٥) بۆ سەرجەم ئاست و چین و توێژەکانی کۆمەڵگا، بەمەبەستی هەنگاونان و هەوڵدان بۆ (بەکلتوریکردنی خوێندن)ەوە لە کۆمەڵگەدا. تێبینی: ١- خوێنەر دەتوانێت کتێب لە پڕۆژەکە و هاوکات لە کتێبخانەی گشتی پێنجوێن وەربگرێت، یاخود کتێبی خۆی بەکاربهێنێت بۆ خوێندنەوە. ٢- کتێبەکان پێویستە کتێبی هەڵبژێردراوی شیاوبن و لیژنەیەکی تایبەت لە پڕۆژەی پێنجوێن شاری فێربوون هەڵی دەبژێرن. ٣- دوای تەواوکردنی خوێندنەوەی کتێبەکە خوێنەر دەتوانێت سیمینارێک یاخود پوختەیەک لەو کتێبەی کە خوێندویەتیەوە پێشکەشی پڕۆژەکەمان بکات و لەسەر خواستی خوێنەر هاوبەشی پێدەکەین لەگەڵ خەڵکانی تردا بەبڵاوکردنەوەی بابەتەکە. ٤- پێویستە لەماوەی (١٠) ڕۆژدا خوێنەر کتێبی هەڵبژێردراو ی هاوکات خوێندنەوەکەشی تەواو بکات، واتە ماوەی دیاریکراو بۆ خوێندنەوە (١٠) ڕۆژە. گەر خوازیاری بەشداری کردنیت هەر ئێستا پەیوەندی بکە بەم ژمارە مۆبایلانەوە: 07706010404 07506010404

پڕۆژەی پێنجوێن شاری فێربوون بەمەبەستی پێشخستنی تواناکانی خانمان، هەڵدەستێت بەکردنەوەی خولی فێربوونی سەرەتایی درومان بێ بەرانبەر بۆ خانمانی بەڕێزی پێنجوێن، ئەم خولە لە لایەن مامۆستای شارەزا و بە ئەزمونەوە دەوترێتەوە، لە بەرواری ٢-٦-٢٠٢٤ ڕۆژی یەک شەممە دەست پێدەکات و(١٠) ڕۆژ دەخایەنێتلەکۆتایی خولەکەدابڕوانامەی بەشداربوون دەبەخشرێتە فێرخوازە بەڕێزەکان.تێبینی:ئەوخانمانەشی خوێندەواریان نییە دەتوانن بەشداری بکەنڕۆژانی ناوتۆمارکردن:لە بەرواری ٢٩و ٣٠و ٣١ی ٥ی ٢٠٢٤ فرێرخوازدەتوانێت لە ڕێگەی ئەم ژمارە مۆبایلانەوە ناو تۆمار بکات:٠٧٥١٨٣٨٨٠٨٦٠٧٧٠٦٠١٠٤٠٤کاتەکانی خول :بەیانیان : ٠٨:٣٠ بۆ ١٠:٠٠دوای نیوەڕوان:٠١:٣٠ بۆ ٠٣:٠٠شوێن:کتێبخانەی گشتی پێنجوێن - نهۆمی دووەم

بەرواری ٢٧ و ٢٨-٥-٢٠٢٤ کۆتایی بە خولێکی دوو ڕۆژە هات بەناونیشانی (نەهێشتنی توندو تیژی و بەرەنگار بوونەوەی ستەم) کە لە لایەن ڕێکخراوی CPT ئەمریکی بە هاوبەشی پڕۆژەی پێنجوێن شاری فێربوون بەڕێوەدەچێت.

بەهۆی نزیک بونەوەی کاتی دیاریکراو بۆ تێکۆشان(سەعیکردن)ی خوێندکارانی قۆناغی (١٢)ی ئامادەیی، بەڕێوبەرایەتی پەروەردەی قەزای پێنجوێن، لە چوارچێوەی(پڕۆژەی پێنجوێن شاری فێربوون) کۆڕێک رێک دەخات بۆ بەڕێز:(پڕۆفیسۆر د. رەئوف کەریم پێنجوێنی)(مامۆستای زانکۆ و راهێنەری گەشەپێدانی مرۆیی)ناونیشانی بابەت:(چۆن فشار و ترس بکەینە فاکتەری سەرکەوتن لە تاقیکردنەوەکان)ئامادەبوون تایبەتە بە خوێندکارانی پۆلی دوانزە.شوێن: هۆڵی بۆنەکانی پێنجوێنکات: کاتژمێر (٢)ی پاشنیوەڕۆرۆژ: پێنج شەممە (٢٠٢٤/٥/٩)

کۆنسێرتێک بۆ هونەرمەندی ناوداری کورد (سوارە محمد) لە پێنجوێن ساز دەکرێت ..بەسپۆنسەری سەرەکی (پڕۆژەی پێنجوێن شاری فێربوون) و سپۆنسەری میدیای دامەزراوەی میدیایی کوردسات، ڕۆژی پێنجشەممە بەرواری ٢-٥-٢٠٢٣ لە هۆڵی بۆنەکانی شارۆچکەی پێنجوێن کۆنسێرتێکی هونەری بۆ هونەرمەندی ناسراوی کوردستان (سوارە محمد) و ژمارەیەک ژەنیاری بەتوانا و بەئەزموون بەناونیشانی (شنەی بادی بەهاری) سازدەکرێت، لە کاتژمێر (٥)ی ئێوارە بەڕێوەدەچێت.تێبینی : هاتن بۆ هەموانە.

دارستان و ژیان (گرنگی و پاراستنی)پڕۆژەی پێنجوێن شاری فێربوون بە هەماهەنگی لەگەڵ ڕێکخراوی ملەکەوە بۆ پاراستنی ژینگە سیمینارێکی ژینگەیی بۆ بەڕێز:مامۆستا حەسەن ڕەوش (پارێزەر) نووسەر و شارەزا لە بواری دارستانەکانی زاگرۆس (ڕووەکی دارین)لەژێر ناونیشانی:دارستان و ژیان (گرنگی و پاراستنی) سازدەکەن.تێبینی : هاتن بۆ هەموانەڕۆژ: شەممە (٢٧/ ٤/ ٢٠٢٤).کات: ٢ی پاش نیوەڕۆ.شوێن: هۆڵی کتێبخانەی گشتی پێنجوێن.

کۆڕێکی ژینگەیی بۆ پڕۆفیسۆرێکی تایبەتمەند ساز دەکرێت بە ناونیشانی (دۆزینەوە و داهێنانی نوێ بۆ زانست)..خۆشحاڵین بە ئامادەبوونتان ..

لەدرێژەی چالاکیەکانی (پڕۆژەی پێنجوێن شاری فێربوون) ئەمڕۆ پێنج شەممە ١٨/٤/٢٠٢٤ بەشی تەندرووستی پڕۆژە سیمینارێکی دیکەی سازکرد بۆ خوێندکارە خانمەکانی ئامادەیی (ڕێچکەی تێکەڵاو) لە شارۆچکەی پێنجوێن.کە سیمینارەکە لەلایەن ڕاهێنەر : (میدیا حامد عبداللە)ەوە پێشکەش کرا،ئەم سیمینارە تایبەت بوو بە (شێرپەنجەی مەمک)،بە ڤیدیۆو نووسین هۆشداری و ڕێنمایی درا بە خانمان کە چۆن پشکنینی پێش وەختە بکەن و ڕێگاکانی خۆپاراستن لە شێرپەنجەی مەمک چی یە؟! سوپاس بۆ تەواوی هاوکاران لە ئامادەیی ڕێچکەی تێکەڵاو و ستافی تەندروستی پڕۆژە... هیوای تەندروستیەکی باش و سەلامەتی بۆ هەموولایەک دەخوازین ...