چالاکییەکان

لە چوارچێوەی چالاکییە پیشەییەکانی پڕۆگرامی پێنجوێن شاری فێربوون، خولی تایبەتی فێربوونی دروومانی جلی پیاوان بۆ ماوەی یەک هەفتە (٤-١٠ تا ٩-١٠-٢٠٢٥) لە کتێبخانەی گشتی پێنجوێن بەڕێوەچوو. خولەکە لەلایەن مامۆستا کەمال بناوەسوتەیی، وەستای بە ئەزموونی دروومان،وترایەوە و بەشداربووان فێری هونەر و تەکنیکەکانی دروومانی پیشەیی بوون. لە کۆتایی خولەکە، قەڵغانی سوپاس و پێزانین بە مامۆستا (کەمال بناوەسوتەیی) و بەڕێز (دیاری جەلال) وەک یاریدەدەری خول پێشکەش کرا، هەروەها بڕوانامەی بەشداربوون بەخشرایە سەرجەم بەشداربووان. ئەم خولە دەرفەتێکی گرنگ بوو بۆ فێربوونی پیشەیەکی سوودبەخش و پەرەپێدانی توانای کاری دەستی.

دەرفەتێکی بێ وێنە بۆ فێربوونی پیشەیەکی بەنرخ! ئەمڕۆ،( ٤ / ١٠ / ٢٠٢٥), لە چوارچێوەی کار و چالاکییە پیشەییەکانی پڕۆگرامی پێنجوێن شاری فێربوون لە کتێبخانەی گشتی پێنجوێن، خولێکی تایبەتی فێربوونی دروومانی جلی پیاوان دەستی پێکرد. ئەم خولە دەرفەتێکی نایابە بۆ هەموو ئەو کەسانەی دەیانەوێت هونەرێکی دەستی و پیشەیەکی سوودبەخش فێربن. ڕاهێنەری خول مامۆستا کمال بناوەسوتەیی - وەستای دروومانی بە ئەزموون کە ساڵانێکی زۆرە لەم بوارەدا کاردەکات و ئامادەیە شارەزاییەکەی بۆ خوێندکاران بگوازێتەوە، بەهاوکاری یاریدەدەری مامۆستای خول:بەڕێز دیاری جلال وردەکاری خولەکە بەرواری دەستپێک: ٤ ئۆکتۆبەری ٢٠٢٥ کات: کاتژمێر ٢:٠٠ - ٤:٠٠ی پاش نیوەڕۆ ڕۆژەکان: شەممە تا پێنجشەممە ماوە: یەک هەفتە شوێن: کتێبخانەی گشتی پێنجوێن - نهۆمی دووەم چی فێردەبیت؟ لەم خولەدا فێری ئەم بابەتانە دەبیت: هونەری دروومانی جلی پیاوان بە شێوەیەکی پڕۆفیشناڵ تەکنیکەکانی دروومانی کارامەیی و لێهاتوویی لە دروومانی جۆراوجۆری جل ڕاوێژ و ئەزموونی پیشەیی لەگەڵ مامۆستایەکی شارەزا بۆچی ئەم خولە گرنگە؟ پیشەیەکی سوودبەخش و خاوەن داهات فێردەبیت توانای کارکردن بۆ خۆت تا کارێکت دەستبکەوێت لێهاتوویی کاری دەستی خۆت پەرەپێدەدەیت دەرفەتێکی بێ وێنەیە بۆ فێربوونی خێرا و کاریگەر

پێنجوێن - ٢ ئۆکتۆبەر ٢٠٢٥ خولێکی تایبەت کە بۆ فێربوونی هونەری چنینی مەکرەمە کە لە چوارچێوەی پڕۆگرامی "پێنجوێن شاری فێربوون" ڕێکخرابوو، ئەمڕۆ بە سەرکەوتوویی کۆتایی پێهات. وردەکاریەکانی خولەکە: ئەم خولە بەسەرپەرشتی خاتوو کارین فەتاح وەک ڕاهێنەری سەرەکی، ڕۆژی یەکشەممە لە کاتژمێر ٩:٠٠ی بەیانی لە هۆڵی پڕۆگرامی "پێنجوێن شاری فێربوون" کە لە نهۆمی دووەمی کتێبخانەی گشتی پێنجوێن، دەستی پێکرد. خولەکە بۆ ماوەی ١٠ ڕۆژ بەردەوام بوو، کە وانەکانی ڕۆژانە لە یەکشەممەوە تا پێنجشەممە لە کاتژمێری ٩:٠٠ تا ١٠:٣٠ی پێشنیوەڕۆ پێشکەش دەکران. گرنگی و ئامانجی خولەکە بەڕێوەبەرانی پڕۆگرامەکە ئاماژەیان بەوە کرد کە ئەم خولە هەلێکی زێڕین بوو بۆ هەموو ئەوانەی دەیانویست فێری هونەری چنینی مەکرەمە ببن و بە شێوەیەکی جوان و سەرنجڕاکێش دەستڕەنگینی خۆیان بەرهەم بهێنن. سوپاسگوزاری: لە کۆتایی خولەکەدا، بەڕێوەبەرانی پڕۆگرامەکە سوپاسی بەڕێز کارین فەتاح ڕاهێنەری خولەکەیان کرد، کە بە شێوەیەکی خۆبەخشانە بۆ ماوەی دوو هەفتە ئەم پیشە دەستی و خۆژێنە فێری چەند خانمێکی فێرخواز کرد. بەڕێوەبەری پڕۆگرامەکە هیوای سەرکەوتنی بۆ هەموو بەشداربووان خواست و دووپاتی کردەوە کە ئەم جۆرە خولانە بەردەوام دەبن بۆ پەرەپێدانی کارامەیی و هونەری خەڵکی شار. پێنجوێن شاری فێربوون پڕۆگرامێکی کۆمەڵایەتی و پەروەردەییە ، ئامانجی پشتیوانی کردن و گەشەپێدانی توانا و بەهرەکانی هاوڵاتیانە لە بوارە جیاوازەکاندا.

ئەمڕۆ یەکشەممە ڕێکەوتی ٣١-٨-٢٠٢٥، خولی فێربوونی جواننووسی لە کتێبخانەی گشتی پێنجوێن دەستی پێکرد. ئەم خولە تایبەتە بە فێربوونی جواننووسی کە لەلایەن پڕۆگرامی پێنجوێن شاری فێربوونەوە بە هاوبەشی لەگەڵ کتێبخانەی گشتی پێنجوێن بەڕێوەدەچێت. خولەکە بۆ هەردوو ڕەگەز کراوەتەوە و بێ بەرامبەرە. وانەکان لەلایەن مامۆستای شارەزا و جواننووسی بە ئەزموون، (دارا نوری عزیز)ەوە پێشکەش دەکرێت. شوێن: کتێبخانەی گشتی پێنجوێن - نهۆمی دووەم کات : ٩:٠٠ ی سەرلەبەیانی لە ڕۆژانی یەکشەممەوە تا چوارشەممە -بۆ ماوەی سێ هەفتە و هەر هەفتەی چوارڕۆژە هەلێکی بێهاوتا ئەم خولە هەلێکی زێڕینە بۆ ئەو کەسانەی حەزیان لە فێربوونی هونەری جواننووسی هەیە. بەشداربووان دەتوانن لە ماوەی سێ هەفتەدا بناغەکانی جواننووسی فێربن و ئاستی نووسینیان باشتر بکەن. ئەمڕۆ یەکەم ڕۆژی ئەم خولە تایبەتە بوو.

دەستپێکردنی خولێکی تایبەتی ئاردوینۆ لە هۆڵێ پێنجوێن شاری فێربوون. ئەمڕۆ لە کتێبخانەی گشتی پێنجوێن خولێکی چوار ڕۆژەی فێربوونی ئاردوینۆ دەستی پێکرد کە لەلایەن ڕاهێنەر ئالان قەرەداغیەوە پێشکەش دەکرێت. ئالان قەرەداغی، خاوەنی براندی "ئاسان ژیان" و براوەی خەڵاتی "لاوی ساڵ ٢٠٢٥" لە بواری زانست و تەکنەلۆژیا، بەشداربووان فێردەکات چۆن لە ماوەی چوار ڕۆژدا پرۆژە زیرەکەکان دروست بکەن کە ژیانی ڕۆژانە ئاسان دەکەن. خولەکە کە لە کاتژمێری ٢:٠٠ بۆ ٥:٠٠ی پاشنیوەڕۆ بۆماوەی چوارڕۆژ بەڕێوەدەچێت، بنەماکانی فیزیای ئەلکترۆنی، ناساندنی سێنسەرەکان، پرۆگرامکردنی ئاردوینۆ و دروستکردنی ئەپلیکەیشنی موبایل دەگرێتەوە. ئەم ڕاهێنەرە کە دەرچووی بەشی فیزیایە و ئەزموونی چوار ساڵەی لە ڕاهێنان هەیە، وەک براوەی یەکەمی عێراق لە بزنسی بچوک و تەکنەلۆژیا لە ساڵی ٢٠٢٣ ناسراوە. خولەکە تا ٢٨ی ئابی ٢٠٢٥ بەردەوام دەبێت و بۆ هەموو ئاستەکان گونجاوە، لەگەڵ پێدانی مەنهەجێکی تایبەت بۆ بەردەوامبوونی فێربوون دوای تەواوبوونی خولەکە. لەکۆتایی خولەکەشدا بەشداربووان بڕوانەی بەشداربوونیان پێدەبەخشرێت.

پێنجوێن - ١٤ ئابی ٢٠٢٥خولی تایبەتی فێربوونی کارەبای ناوماڵ لە پڕۆگرامی پێنجوێن شاری فێربوون پاش ٥ ڕۆژ لە کتێبخانەی گشتی شارەکە بە سەرکەوتوویی کۆتایی پێهات.تایبەتمەندییەکانی خولەکە:بێ بەرانبەر بۆ هەموو بەشداربوواندوو پسپۆڕ بەڕێوەیان برد:علی اصغر علی اکبر (ئەندازیاری کارەبا)ئاریان عمر انور (شارەزای کارەبا)چی فێربوون: دامەزراندنی سیستەمی کارەبای ناوماڵ چارەسەرکردنی کێشە کارەباییەکان پاراستنی سەلامەتی کارەبایی بەکارهێنانی ئامرازە پیشەییەکانکاتی خولەکە:ڕۆژانە ٨:٣٠ - ١١:٠٠ی بەرانبەرنیوەڕۆلە کۆتاییدا قەڵغانی سوپاس بە ڕاهێنەران و بڕوانامەی بەشداری بە هەموو بەشداربووان بەخشرا.ئەم خولە دەرفەتێکی گرنگ بوو بۆ پەرەپێدانی شارەزایی پیشەیی و دۆزینەوەی کاری بەرقەرار لە بواری کارەبادا.

١٠-٨-٢٠٢٥ یەکشەممەئەمڕۆ بە سەرکەوتوویی خولی تایبەتی فێربوونی کارەبای ناوماڵ لە پڕۆگرامی پێنجوێن شاری فێربوون دەستی پێکرد.خولەکە بێ بەرانمبەرە و لە لایەن دوو پسپۆڕی شارەزاوە پێشکەش دەکرێت ئەوانیش بەڕێزان :ـ، علی اصغر علی اکبر - ئەندازیاری کارەبا ئاریان عمر انور - شارەزای بواری کارەبابەشداربووان فێری ئەم بوارانە دەکرێن: دامەزراندنی سیستەمی کارەبای ناوماڵ چارەسەرکردنی کێشە کارەباییەکان پاراستنی سەلامەتی کارەبایی بەکارهێنانی ئامرازە پیشەییەکانئەم خولە دەرفەتێکی گرنگە بۆ پەرەپێدانی شارەزایی پیشەیی و دۆزینەوەی کاری بەرقەرار لە بواری کارەبادا.ماوەی خولەکە ٥ ڕۆژە و ڕۆژانە لە ٨:٣٠ بۆ ١١ی پێشنیوەڕۆ لە کتێبخانەی گشتی پێنجوێن بەڕێوەدەچێت.

پڕۆگرامی پێنجوێن شاری فێربوون لە ماوەی سێ ڕۆژدا (٣-٥ی ئابی ٢٠٢٥)، لە کتێبخانەی گشتی پێنجوێن خولێکی نموونەیی لە هونەری وتاربێژی بێ بەرامبەر بە بەشداری ژمارەیەک مامۆستا، خوێندکار ، کارمەند و هاونیشتمانی ئەنجامدا .پسپۆڕانە- لە لایەن بەڕێز محمد میرانی، خاوەنی بڕوانامەی TOT و سێ بڕوانامەی نێودەوڵەتی، بەشێوەیەکی خۆبەخشانە بەسوپاسەوە ئەم خولە ئەنجامدرا.ئامانجەکانی خولەکە بریتیبوون لە :✓ پەرەپێدانی کارامەیی قسەکردنی گشتی✓ زاڵبوون بەسەر ترس و شەرم✓ پێشکەشکردنی بەرهەمهێنانی کاریگەرخولەکە بە تایبەتی بۆ مامۆستایان، خوێندکارانی زانکۆ، کارمەندانی ڕاگەیاندن، ڕاهێنەران و هەموو ئەوانەی دەیانەوێت ببن بە ووتاربێژێکی سەرکەوتوو گونجاو بوو.لە کۆتاییدا سەرجەم بەشداربووان بڕوانامەی بەشدارییان وەرگرت و هاوکات قەڵغانی سوپاس و پێزانینی پڕۆگرامی "پێنجوێن شاری فێربوون" بەخشرایە ڕاهێنەری خۆبەخشی خول بەڕێز (محمد میرانی)..ئەم چالاکییە وەک بەشێک لە هەوڵەکانی پەرەپێدانی کارامەیی کەسایەتی و کاریگەری لەسەر کۆمەڵگا جێبەجێ کرا. ڕاپۆرتی خولی هونەری وتاربێژی

پێنجوێن - ٣ی مانگی ئاب، ٢٠٢٥ئەمڕۆ لە کتێبخانەی گشتی پێنجوێن، خولی تایبەتی هونەری وتاربێژی بە بەشداری ژمارەیەک لە مامۆستا، خوێندکار، کارمەند و خەڵکانی جیاوازی شارەکە دەستی پێکرد.ئەم خولە تایبەتە بە بەرزکردنەوەی کارامەیی لە قسەکردنی گشتی و زاڵبوون بەسەر ترس و شەرم دا ، لە ماوەی سێ ڕۆژدا (٣-٥ی ئابی ٢٠٢٥) بەڕێوەدەچێت. خولەکە لە ڕۆژانی یەکشەممە، دووشەممە و سێشەممەدا لە کاتژمێری ٢ بۆ ٥ی پاش نیوەڕۆ ئەنجامدەدرێت.ڕاهێنەری بەڕێز (محمد میرانی)، خاوەنی چەندین بڕوانامەی نێودەوڵەتی و ڕاهێنەری پسپۆڕی ئەم بوارە، بەرپرسیاریەتی ئەم خولەی لە ئەستۆ گرتووە. میرانی کە خاوەنی بڕوانامەی TOT و سێ بڕوانامەی نێودەوڵەتیی ڕاهێنانە، هەروەها سەرۆکی ڕێکخراوی پەرۆش و ئەندامی دەستەی دامەزرێنەری کۆبەندی ڕێکخراوەکانی کوردستانیشە.ئەم خولە بە تایبەتی بۆ ئەم چینانەی هاوڵاتیان سوودبەخشە:- مامۆستایان لە قۆناغە جیاوازەکانی خوێندن- خوێندکارانی زانکۆ- کارمەندانی ڕاگەیاندن- ڕاهێنەران لە بوارە جیاوازەکان- کارمەندانی بازرگانی و ڕیکلام- هەموو ئەو کەسانەی دەیانەوێت ببن بە ووتاربێژێکی سەرکەوتووخولەکە کە لە نهۆمی دووەمی کتێبخانەی گشتی پێنجوێن بەڕێوەدەچێت، بە تەواوی بێ بەرامبەرە و لە کۆتاییدا بڕوانامە بە بەشداربووان دەبەخشرێت.ئەم چالاکییە وەک بەشێک لە هەوڵەکانی پەرەپێدانی کارامەیی کەسایەتی و کاریگەری لەسەر کۆمەڵگا دادەنرێت.

پڕۆگرامی پێنجوێن شاری فێربوون ئەمڕۆ 31-7-2025 خولی تایبەتی "هونەری ڕێنووسی کوردی و درووستنووسی" بە سەرکەوتوویی کۆتایی پێهێنا.خولەکە کە لەلایەن د. بەهمەن تاهیر نەریمانەوە بەڕێوەبرا، لە ماوەی دووڕۆژدا لە کتێبخانەی گشتی پێنجوێن بەڕێوەچوو.لە کۆتایی خولدا، هەموو بەشداربووان بڕوانامەی بەشداریان بەدەست هێنا.د. بەهمەن تاهیر نەریمان، خاوەنی بڕوانامەی دکتۆرا لە زمانی کوردی، ڕایگەیاند کە ئەم خولە هەنگاوێکی گرنگە بۆ پەرەپێدانی توانای نووسین لە نێو بەشداربووان.پڕۆگرامی پێنجوێن شاری فێربوون بەردەوامە لە پێشکەشکردنی خولی تایبەت بۆ گەشەسەندنی لێهاتووییەکانی هاوڵاتییان.

شاری سلێمانی - ئەمڕۆ ڕۆژی ٣٠ی تەممووزی ٢٠٢٥، خولێکی تایبەت بۆ فێربوونی درووست نووسینی ڕێنوسی کوردی دەستی پێکرد کە لەلایەن دکتۆر بەهمەن تاهیر نەریمانەوە بەڕێوە دەبرێت. وردەکاری خولەکەمامۆستای خول: دکتۆر بەهمەن تاهیر نەریمانبەروار: ٣٠/٧/٢٠٢٥شوێن: هۆڵی پڕۆگرامی پێنجوێن، شاری فێربوون ئامانجی خولەکەئەم خولە تایبەتە ئامانجی ئەوەیە کە بەشداربووان بتوانن: بنەماکانی نووسینی ڕێنوسی کوردی فێربنتەکنیکەکانی درووست نووسین بەکاربهێننجۆراوجۆری ڕێنوسەکان بناسن و بیانووسنکوالیتی و ڕوونیی نووسراوەکانیان بەرز بکەنەوەگرنگی ئەم خولەئەم خولە دەرفەتێکی نایابە بۆ ئەو کەسانەی کە دەیانەوێت توانای نووسینی خۆیان پەرەپێدەن، بە تایبەتی لە بواری: نووسینی ئەکادیمیڕاگەیاندن و میدیاکاروبارەکانی فەرمیئەدەبیات و هونەر

پێنجوێن، ٦-٧-٢٠٢٥ لە چوارچێوەی بەرنامە پەروەردەیی و کۆمەڵایەتییەکانیدا، ئەمڕۆ پێنجوێن شاری فێربوون کۆتایی بە خولێکی تایبەتی درومانی خانمان هێنا کە بە ماوەی ١٥ ڕۆژ بەڕێوەچوو. لە مەراسیمێکی شایستەدا، بڕوانامەی بەشداریکردن بە زیاتر لە ١٠٠ خانمی بەشداربوو لە خولەکە بەخشرا، کە نیشانەی کۆتایی سەرکەوتوانەی ئەم بەرنامە تایبەتەیە. خولەکە کە لە ماوەی ١٥ ڕۆژدا بەڕێوەچوو، ئامانجی بەهێزکردنی کارامەیی و زانیاریەکانی خانمان بوو لە بواری دروومانی خانماندا. لە هەمان کاتدا، قەڵغانی سوپاس و پێزانینیش لەلایەن پڕۆگرامی پێنجوێن شاری فێربوونەوە بە ڕاهێنەران و مامۆستایانی ئەنجامدەری خولەکە بەخشرا، بە پێزانین لە هەوڵ و کۆشش و بەشداری تێکۆشانیان لە سەرکەوتوو کردنی ئەم بەرنامە پەروەردەیی و کۆمەڵایەتییە. ئەم خولە تایبەتە بە خانمان، لە نێو بەرنامە بەردەوامەکانی پێنجوێن شاری فێربوون جێگیر دەبێت، کە هەولی گەشەپێدانی کارامەیی و زانیاری خانمان دەدات. زۆر سوپاس بۆ مامۆستا بەڕێزەکان نعیمە محمد رسول تەلان محمد ئەحمد شادومان عطامحمد شەیما احمد فاضل

پڕۆگرامی پێنجوێن شاری فێربوون، بەمەبەستی پێشخستنی بواری 🖥تەکنەلۆجیا و زانیاری لە ناوچەکەماندا هەنگاو دەنێت، بۆ ئەو مەبەستەش هەڵستا بە کردنەوەی 🎯 خولی 💻کۆمپیوتەر: بنەماکانی داتابەیس (بنکەی زانیاری) بـــێ بــەرامــبــەر، ئەمڕۆ ٢٠-٦-٢٠٢٥ یەکەم ڕۆژی خول . بۆ بەڕێز مامۆستا (هیوا عمر حسن) مامۆستا له‌كۆلێجی زانست و ته‌كنه‌لۆجیا– زانكۆی گه‌شه‌پێدانی مرۆیی– سلێمانی.

پێنجوێن - لە ڕێوڕەسمێکی تایبەتدا، خانمانی بەشداربووی خولی "کارامەیی جەستەیی و دەروونی" (بەردو و ئاو) بڕوانامەی دیبلۆمی نێودەوڵەتیان وەرگرت کە لەلایەن پڕۆگرامی "پێنجوێن شاری فێربوون"ەوە ڕێکخرابوو. ئەم خولە بەهەماهەنگی پڕۆگرامی پێنجوێن شاری فێربوون و سەنتەری کۆمەڵناسی و دەرونناسی زانکۆی سلێمانی و پەیمانگای GADAKUی نێودەوڵەتی هۆڵەندی ئەنجامدرا خولەکە کە دوو ڕۆژی خایاند و لە ڕۆژانی دووشەممە و سێشەممەی ئەم مانگی ئایارە ئەنجامدرا، لەلایەن مامۆستا بێریڤان جمال حمە سعیدەوە پێشکەشکرا و تێیدا چەندین تەوەری گرنگی تەندروستی جەستەیی و دەروونی خانمان خرایەڕوو. مامۆستا بێریڤان لە وتەیەکیدا ڕایگەیاند: "ئامانجی سەرەکیی ئەم خولە بەهێزکردنی توانا جەستەیی و دەروونییەکانی خانمانە بۆ ئەوەی بتوانن ژیانێکی تەندروست و دوور لە فشاری دەروونی بگوزەرێنن." لە ماوەی خولەکەدا، بەشداربووان فێری چەندین تەکنیکی نوێی پاراستنی تەندروستی و مامەڵەکردن لەگەڵ فشارە دەروونییەکان بوون، وەک ڕاهێنانی هەناسەدان بۆ ئارامبوونەوە و چۆنیەتی ڕێکخستنی کاتەکانی ڕۆژانە بۆ کەمکردنەوەی ستریس. شایەنی باسە کە ئەم خولە بەشێکە لە زنجیرە چالاکییەکانی پڕۆگرامی "پێنجوێن شاری فێربوون" کە گرنگی بە گەشەپێدانی کەسایەتی تاک و پەرەپێدانی هوشیاری کۆمەڵایەتی دەدات لە ناوچەکەدا.

لە چوارچێوەی بەرنامە و چالاکییە بەردەوامەکانیدا، ئەمڕۆ دووشەممە ١٩ی ئایاری ٢٠٢٥، پڕۆگرامی پێنجوێن شاری فێربوون خولێکی نوێی بۆ خانمان دەستپێکرد بە ناونیشانی "کارامەیی جەستەیی و دەروونی". خولەکە لەلایەن مامۆستا بێریڤان جمال حمە سعید پێشکەش دەکرێت و تایبەتە بە گەشەپێدانی توانا جەستەیی و دەروونییەکانی خانمان، لە هەوڵێکدا بۆ بەهێزکردنی تەندروستی گشتی و باشتر کردنی ئاستی ژیانیان. چاوەڕوان دەکرێت ئەم خولە کۆمەڵێک بابەتی گرنگ لە بواری تەندروستی جەستەیی و دەروونی بگرێتەوە کە یارمەتی بەشداربووان دەدات بۆ فێربوونی شێوازە نوێیەکانی پاراستنی تەندروستی و چۆنیەتی مامەڵەکردن لەگەڵ فشارە دەروونییەکان. ئەم چالاکییە لە زنجیرەی کار و چالاکییە بەردەوامەکانی پڕۆگرامی پێنجوێن شاری فێربوونە کە گرنگی بە گەشەپێدانی تواناکانی تاکەکانی کۆمەڵگا دەدات. سەر ئەنجامی ئەم خولە دوو ڕۆژیە فێرخوازان لە پاش سود گەیاندن بە خۆیان دەبنە ڕاهێنەری منداڵانی ٨ساڵ تاکو ١٦ ساڵ.