هەر ڕۆژ هەزاران دەنگ لە جیهاندا بەرزدەبنەوە؛ دەنگی بازاڕ، ئۆتۆمبێل، ڕاگەیاندن و خەڵک… بەڵام لە نێوان ئەو هەموو دەنگانەدا، تەنها یەک دەنگ هەیە کە لە زەوی بەرزدەبێتەوە و بۆ ئاسمان دەچێت؛ ئەویش دەنگی بانگە.

بانگدان تەنها خوێندنەوەی چەند وشەیەک نییە؛ بانگدان هونەری گەیاندنی بانگی خودایە. بانگبێژ تەنها دەنگی خۆی ناگەیەنێت، بەڵکو پەیامی خودا دەگەیەنێت.

خۆشحاڵین بە ڕاگەیاندنی کردنەوەی «خولێکی تایبەت بە هونەری بانگدان»، کە تێیدا هەوڵدەدەین بەشداربووان فێری بنەماکانی دەنگ، دڵسۆزی و گەیاندنی دروستی ئەم پەیامە پیرۆزە بکەین.

ئێمە لێرەین بۆ ئەوەی فێری ئەوە بین چۆن دەنگمان بکەینە پردێک لە نێوان زەوی و ئاسماندا.