سەرەکی / چالاکییەکان
پێنجوێن شاری فێربوون
لەدرێژەی بەسەرکردنەوە ونرخاندنی ڕۆڵی ئەو بەرێزانەی کە لەبوارە جیاجیاکاندا خزمەتی بەرچاو دەکەن، بۆ ئەمجار کۆمەڵێک مامۆستا لەلایەن پڕۆژەی پێنجوێن شاری فێربوون ڕێز وسوپاسیان پێشکەشکرا لەبەرامبەر هەوڵەکانیان لە هاوکاری وپاڵپشتی بەشێک لەقوتابیانی قۆناغی 12. هاوکات نوێنەری قوتابیان وێڕای پێزانین وسوپاس دیاریان پێشکەش بە مامۆستایان کرد ودووپاتیان کردەوە کە ئەم هەڵوێستەیان لەبیرناکەن.
بەدروشمی (ساڵی یەکخستنی تواناکان) یەکەم چالاکی گرنگمان لە ساڵی (٢٠٢٤)دا ئەنجامدا. لە چوارچێوەی (پڕۆژەی پێنجوێن شاری فێربوون) و بەسەرپەرشتی (قائمقامیەتی قەزای پێنجوێن) ئەمڕۆ ڕێکەوتی (١٠-١-٢٠٢٤) ئەندامانی دەستەی سەرپەرشتیارانی پڕۆژە وەک دەسپێکی کار لە ساڵی نوێدا سەردانی هەریەکە لە ناحیەکانی (ناڵپارێز و گەرمک) کران بەمەبەستی ڕونکردنەوەوی دید و پەیامی پڕۆژەکەمان و دروستکردنی هەماهەنگی و پەیوەندی لەنێوان یەکەی ئیداری و فەرمانگەکەنی ئەوناوچانە و هاوکات فراوانکردنی مەودای کاری پڕۆژەکەمان بۆ ساڵی (٢٠٢٤).. بەسوپاسەوە سەرپەرشتیارانی یەکە ئیدارییەکانی ئەو ناوچانە بەوپەری دڵسۆزیەوە بەڵێنی هاوکاری و پشتیوانیان بۆ پڕۆژەکە ڕاگەیاند و بڕیاریاندا بەشدابن لەپڕۆژە کەماندا ...
ڕۆژی پێنجشەممە 16/11/2023 بەمەبەستی هاندان وپشتگیری هەوڵەکانیان بەڕێز (دکتۆر محی الدین محمدخانی) سەرپەرشتیاری بەشی پەروەردەیی پڕۆژەی پێنجوێن شاری فێربوون سیمینارێکی بۆ قوتابیانی قۆناغی 12ی بەشدار لەخولی بەهێزکردنی پڕۆژەکە سازکرد. تیایدا وێڕای سوپاس وپێزانین بۆ مامۆستایان وقوتابیان لەهەمانکاندا تیشکخرایە سەر پرۆسەی پەروەردە وفێرکردن وهەستیاری قۆناغی 12 لەدیاریکردنی چارەنووسی قوتابیان.
ڕۆژی دووشەممە بەرواری ١٣/١١/٢٠٢٣ پڕۆگرامی پێنجوێن شاری فێربوون بە هاوکاری بەڕێوەبەرێتی پەروەردەی پێنجوێن سیمینارێکی بۆ بەڕێز مامۆستا فایەق سەعید کارناسی پەروەردە سازکرد بە ناونیشانی (بەرزکردنەوەی تواناسازی مامۆستا و کارایی خوێندکار) تایبەت بە بەڕێوەبەر و جێگر و سەرپەرشتیار و مامۆستایانی پەروەردە. لەسیمینارەکەدا سەرەتا مامۆستا فایەق تیشکی خستەسەر بیرۆکە وهەنگاوەکان وئامانج لەپڕۆژەکەی وەزارەتی پەروەردە سەبارەت بە بەرزکردنەوەی ئاست و توانای مامۆستایانی کەرتی پەروەردە . دواتر بەپرسیار وگفتوگۆ وبەشداری ئامادەبووان سیمینارەکە کۆتایی هات.
بە ئامانجی پەرەپێدان و پێشخستنی توانای خوێندکارانی قۆناغی ١٢ لە لایەن پڕۆگرامی پێنجوێن شاری فێربوونەوە ٩-١١-٢٠٢٣ سیمینارێک بە ناونیشانی(یاسا زێڕینەکان) بەمەبەستی باشترکردنی یادگە و زیهنی خوێندکار لەلایەن ڕاهێنەری نێودەوڵەتی مامۆستا (تریفە جلال صالح)ەوە پێشکەشکرا،
بە ئامانجی پەرەپێدان و پێشخستنی توانای خوێندکاران لە لایەن پڕۆگرامی پێنجوێن شاری فێربوونەوە ٤-١١-٢٠٢٣ خولێکی بێ بەرامبەر کرایەوە بۆ خوێندکارانی قۆناغی ١٢ بە هاوکاری مامۆستایانی خۆبەخشی بە ئەزموونی شاری پێنجوێن.
پانێڵی (قۆناغی دوانزەو سەرکەوتن) بەرواری ٢٠٣٣/١٠/٢٣ پڕۆگرامی (پێنجوێن شاری فێربوون) پانێڵی (قۆناغی دوانزەو سەرکەوتن)ی ساز کرد بە ئامادەبوونی هەر یەک لە بەڕێزان (پرۆفیسۆری یاریدەدەر دکتۆر عبد الفتاح هەورامی) بەڕێوەبەری پانێڵ (ڕۆزی یەحیا عومەر ڕێشاوی) پانێڵیست و یەکەمی سەر ئاستی هەرێم لە لە قۆناغی دوانزەی زانستی بۆ ساڵی خوێندنی ٢٠٢٢-٢٠٢٣ (دکتۆر محمد خانی) پانێڵیست سەرپەرشتیار و بەرپرسی بەشی پەروەردە و ژینگەی پڕۆگرامی(پێنجوێن شاری فێر بوون).
لە چوارچێوەی کار و چالاکییەکانی (پڕۆگرامی پێنجوێن شاری فێربوون) ئەمڕۆ بەرواری ٢٠٢٣/١٠/٢١ کاتژمێر ٢ی پاشنیوەڕۆ کۆڕێک سازکرا بۆ بەڕێز (د.محمدخانی) مامۆستای زانکۆ و ئەندامی بۆردی باڵای پڕۆگرام بەناونیشانی (گۆڕینی داهاتوو بە پەروەردە) بەبەژداری کردنی هەموو چین و توێژێک، لە هۆڵی بۆنەکان لە پێنجوێن.
برایەتی و هاوکاری و بەخشین هەوێنی گەشەکردن و بەردەوامی کۆمەڵگایە.. ئەمڕۆ بەرواری 12/9/2023 سەرپەرشتیاری گشتی پڕۆژە بەڕێز (زانا رحمان) و سەرپەرشتیاری پەروەردەیی پڕۆژە بەڕێز (د.محمد خانی) بەمەبەستی بەسیستەمکردن و یەکخستنی سەرجەم هەنگاو و هەوڵە خێرخوازیەکانی سنوری قەزای پێنجوێن، لەگەڵ سەرجەم ڕێکخراوە خێرخوازییە خۆبەخشەکانی شارۆچکەی پێنجوێن کۆبونەوە و تێیدا چەندین باس و بابەتی تایبەت بە بواری خۆبەخشی و بەخشین گفتوگۆی لەبارەوە کرا..
(31-8-2023)بەڕێز دکتۆر هەڤاڵ پارێزگاری سلێمانی بەئامادەبوونی بەڕێزان کاک غەریب بەڕێوەبەری ناحیەی گەرمک،کاک هێمن بەڕێوەبەری ناحیەی ناڵپارێز،سەردانی پڕۆژەی( پێنجوێن شاری فێربوون) یان کرد. هاوکات گفتوگۆ کرا لە سەر کێشەوگرفتەکانی کەرتی پەروەردە لەسنورەکەدا وەک پڕۆژەکە لەهەوڵداین هاوکاری کەرتی پەروەردە بکەین، وە بەڕێزیشیان بەڵێنیان دا چی لە توانیان دا بێت هاوکاری کەرتی پەروەردەی سنوری قەزای پێنجوێن بکات. بەناوی ستافی سەرپەرشتیاری پڕۆژەی پێنجوێن شاری فێربوونەوە زۆر سوپاسی بەڕێز دکتۆر هەڤاڵ پارێزگاری سلێمانیمان کرد کە بەردەوام هاوکاری فەرمانگەکانی قەزای پێنجوێنیان کردووە.
بە سوپاسەوە مامۆستایەکی بەتوانا و بەئەزمونی دیکە بەشداری پێشکەش کردنی خولەکانی پڕۆژەکەمان دەکات. لە درێژەی زنجیرە خول و سیمینارەکانی پڕۆژەی (پێنجوێن شاری فێربوون) بەرواری 30/8/2023 خولی (مامۆستای کاریگەر) لە لایەن بەڕێز دکتۆر (محمد عبداللە) پێشکەشکرا بەبەشداری مامۆستایانی هەریەکە لە قوتابخانەکانی (قەڵادێ - پێنجوێن - شلێر -دیدگا)
لەپاش کۆتایی هاتنی خولی (گەشەپێدانی مامۆستا)ی تایبەت بە بەڕێزان سەرپەرشتیارانی پەروەردەیی و مامۆستایانی خوێندنگەکانی (ملەکەوە و شۆڕشی نوێ ) بەسەرکەوتویی بڕوانامەی بەشداری خول بەخشرایە سەرجەم مامۆستایانی ئامادەبوو ..
لە درێژەی کار و چالاکیەکانی پڕۆژەی (پێنجوێن شاری فێربوون) بەرواری 29-8-2023 خولی پەرەپێدانی تواناکانی مامۆستا بەڕێوەچو لەلایەن مامۆستایانی خول (د.محمد خانی و د.عبدالفتاح هەورامی) کە بەشێوەی جیاجیا هەریەک لە سەرپەرشتیارە بەڕێزەکانی شارۆچکەی پێنجوێن و هاوکات مامۆستایانی قوتابخانەی (ملەکەوە و شۆڕشی نوێ) بەشداری خولەکەیانکرد.
لە درێژەی خولی (گەشەپێدانی توانای مامۆستا)دا و لە ڕۆژی سێهەمدا بەرواری (١٦/٨/٢٠٢٣) مامۆستایانی خوێندنگەی ملەکەوە خولێکی تایبەتیان پێشکەشکرا بەناوی (لێهاتویەکانی مامۆستا) کە لە لایەن دکتۆر (سۆران حمە أمین)ەوە خولەکە وترایەوە بە ماوەی (٦) کاتژمێر ، تێیدا هەڵە و کەموکورتی و چارەسەری ئاریشەکانی بەردەم مامۆستا بەشێوازێکی زانستیانە خرانە ڕوو ،بەمەبەستی بەرزکردنەوەی ئاستی زانستی مامۆستایان و بەرەو پێشبردنی ئەرکی پیشەیییان..
لە درێژەی خول و سیمینارەکانی پڕۆگرامی(پێنجوێن شاری فێربوون ) بەرواری ١٥/٨/٢٠٢٣ خولێکی یەک ڕۆژە ڕێکخرا بۆ سەرپەرشتیارانی پەروەردەیی،کە لە لایەن هەریەک لە بەڕێزان (د.عبدالفتاح هەورامی و د. محێدین محمد خانی)ەوە وترایەوە، بەمەبەستی ڕونکردنەوەی پڕۆگرامەکەمان و هاوکات داواکردنی هاوکاری هەماهەنگی لە سەرپەرشتیارە بەڕێزەکان، بە ئامانجی دروستکردنی هەماهەنگی و پەیوەندی لە نێوان ئامانجی پڕۆگرامەکەمان و ئامانجی سەرپەرشتیارانی پەروەردەی و دروستکردنی پردێکی پێکەوەبەستنی نێوان سەرپەرشتیار و مامۆستا و خوێندکار لە چوارچێوەی سیستمی پەروەردەیی سەردەم و پێشخستنی سەرجەم لایەنە گرنگەکانی پەروەردە و فێرکردن..
