چالاکییەکان

ئەمڕۆ [یەکشەممە، ٢٨ی حوزەیرانی ٢٠٢٦]، بەڕێوەچوونی کۆڕی ناساندنی کتێبی (پێنجوێن، گوند و خێزانەکانی؛ ئامار و دانیشتوانی) لە کەشێکی ڕۆشنبیریدا، کۆڕی ناساندن و دابەشکردنی کتێبی (پێنجوێن، گوند و خێزانەکانی؛ ئامار و دانیشتوانی) لە نووسینی نووسەر (عەبدولباقی پێنجوێنی) بەڕێوەچوو. کۆڕەکە بە ئامادەبوونی بەڕێز قائیمقامی قەزای پێنجوێن، ژمارەیەک لە مامۆستایانی ئاینی بەڕێز، ڕۆشنبیران و کەسایەتییەکانی ناوچەکە بەڕێوەچوو. لە کۆڕەکەدا تیشک خرایە سەر گرنگی کتێبەکە لە ڕووی مێژوویی، ئاماری و کۆمەڵایەتییەوە بۆ دەڤەرەکە، ئەم بەرهەمە نوێیە وەک سەرچاوەیەکی گرنگی ئاماری و کۆمەڵایەتی بۆ ناسینی پێکهاتەی خێزانی و گوندەکانی پێنجوێن تەماشا دەکرێت. ئامادەبووانی کۆڕەکە دەستخۆشییان لە نووسەر کرد بۆ ماندووبوون و کۆکردنەوەی ئەم زانیارییە بەپێزانانە، و هیوای بەردەوامییان بۆ خواست لە پەرەپێدانی کایەی ڕۆشنبیری ناوچەکەدا. کەشایەنی باسە لەلایەن بەڕێزا (ژوان باقی )کۆڕەکە بەڕێوەبە برا لە لایەن مامۆستا (عبدالرحمان پێنجوێنی )خوێندێنەوە بۆ کتێبەکە کرا. لە کۆتاییدا کتێبەکە پێشکەش بە ئامادەبووان کرا.

بەمەبەستی بەهێزکردنی ڕۆڵی خانمان لە کۆمەڵگەدا و ئاشناکردنیان بە لێهاتووییە نوێیەکان، بە سەرکەوتوویی سیمینارێکی تایبەتمان پێشکەش کرد لەژێر ناونیشانی (لێهاتوەکانی سەرکردایەتی کۆمەڵایەتی) بۆ خانمە بەشداربووەکانی خولی خەیاتی. لەم سیمینارەدا بەشێوازێکی سەرنجڕاکێش تیشک خرایە سەر چەند تەوەرێکی گرنگ، لەوانە: پەرەپێدانی متمانە بەخۆبوون: چۆنیەتی بەڕێوەبردنی پڕۆژە و کارەکان بە شێوازێکی سەرکردەیی. پەیوەندی کۆمەڵایەتی کاریگەر: دروستکردنی پەیوەندی سەرکەوتوو لەگەڵ دەوروبەر و کڕیاران لە پاشەڕۆژدا. کاریگەری ئەرێنی: چۆنیەتی بوون بە ئەندامێکی کاریگەر و سەرکردە لەناو خێزان و کۆمەڵگەدا. دەستخۆشی بۆ مامۆستا (ئیراد مەنوچەهر) سەرپەرشتیاریی پەروەردەی و ڕاهێنەری نێودەوڵەتی لە بواری پەرەپێدانی مرۆیی هیوای سەرکەوتن و درەوشانەوەی بەردەوامی بۆ دەخوازین لە ژیانی پیشەیی و کۆمەڵایەتیاندا.

پێنجوێن ٢٠ی حوزەیرانی ٢٠٢٦ لە پێناو گەشەپێدانی بەهرە و لێهاتووییەکانی منداڵان و بەکارهێنانی کاتی پشووی هاوین بە شێوازێکی بەسوود، پڕۆگرامی (پێنجوێن شاری فێربوون) یەکەمین ڕۆژی چالاکییەکانی خولی هاوینەی تایبەت بە منداڵانی قۆناغی (١ بۆ ٣)ی بنەڕەتی بەسەرکەوتوویی دەستپێکرد. ئەم خولە کە بە ئامادەکارییەکی تۆکمە و ژینگەیەکی لەبار بۆ فێربوون و یاری ڕێکخرابوو، پێشوازی لە کۆمەڵێک منداڵی بەهرەمەند کرد. لە یەکەم ڕۆژدا، منداڵان بەشداربوون لە چەندین چالاکی جۆراوجۆر کە ئامانجیان دروستکردنی کەشێکی پڕ لە وزە و ئاشناکردنیان بوو بە بەرنامەی خولەکە. منداڵان لەم خولەدا چی فێردەبن؟ بەرنامەی خولەکە بە شێوازێک داڕێژراوە کە هاوسەنگی لە نێوان فێربوون و کاتبەسەربردنی خۆشدا دروست بکات، لە ڕێگەی: زمانی کوردی و نیشتمانپەروەری: بەهێزکردنی بنەماکانی زمان و چاندنی خۆشەویستی نیشتمان لە دڵیاندا. کارامەیی کۆمەڵایەتی: فێربوونی ئادابەکانی ژیان و چۆنیەتی مامەڵەکردن لەگەڵ دەوروبەر. یاری فکری و مەتەڵ: گەشەپێدانی ئاستی ژیری و هۆشیاری و زیادکردنی سەرنج. وێنەکێشان و هونەر: دەرخستنی بەهرە شاراوەکان و ڕەنگڕێژکردنی خەونەکانیان. وەرزش و چالاکی ناوپۆل: جووڵە و تەندروستیەکی باشتر بۆ منداڵان. زانیاری گرنگ و چۆنیەتی بەشداربوون: ئەم خولە نایابە بۆ ماوەی یەک مانگ بەردەوام دەبێت، و وانەکان لە ژینگەیەکی گونجاودا پێشکەش دەکرێن: شوێن: پێنجوێن - کتێبخانەی گشتی - نهۆمی دووەم.

شادی و خەندە باڵی کێشا بەسەر پێنجوێندا: ئاهەنگێکی ناوازە بۆ منداڵان بەڕێوەچوو! ئەمڕۆ دووشەممە (١ی حوزەیرانی ٢٠٢٦)، لە کەشێکی پڕ لە وزەی ئەرێنی و دڵخۆشی، پڕۆگرامی پێنجوێن شاری فێربوون بە هاوبەشی لەگەڵ دەستەی سەربەخۆی مافی مرۆڤ / نوسینگەی هەڵەبجە، ئاهەنگێکی تایبەت و ناوازەیان بۆ منداڵانی چاوگەشی شارۆچکەی پێنجوێن سازکرد. ئاهەنگەکە کاتژمێر ١٠:٠٠ی پێشنیوەڕۆ لە نهۆمی دووەمی کتێبخانەی گشتی پێنجوێن بەڕێوەچوو، کە تێیدا چەندین چالاکی جۆراوجۆری هونەری و کات بەسەربردنی بەپێز پێشکەش بە منداڵان کران. پەیامی پێزانین: لێرەوە سوپاس و پێزانینی بێپایانی خۆمان ئاڕاستەی دەستەی سەربەخۆی مافی مرۆڤ / نوسینگەی هەڵەبجە دەکەین بۆ هاوکاری و بەشدارییە کاریگەرەکەیان لە سەرخستنی ئەم ئاهەنگەدا. سوپاس و پێزانین بۆ سەرجەم مامۆستاکان کە هاوکارمان بوون ئامانجی سەرەکی: ئەم دەستپێشخەرییە بە مەبەستی پاڵپشتیکردنی لایەنی دەروونی و کۆمەڵایەتی منداڵان و چاندنی خەندە لەسەر لێویان ئەنجامدرا، تاوەکو یادگارییەکی جوانیان لەم ڕۆژەدا بۆ تۆمار بکرێت.

بۆردی باڵای پرۆگرامی پێنجوێن شاری فێربوون خوێندنگەی ئامادەیی ڕێچکەی تێکەڵاویان بەسەر کردەوە و لە نزیکەوە بەشداری چەند چالاکیەکی خوێندنگەکەیان کرد دەست خۆشی و سوپاس و پێزانینیان هەبوو بۆ مامۆستاکان و خوێندکاران و بەڕێوەبەری خوێندنگەکە کە هەوڵیان داوە سیستەمی وانە وتنەوە بە شێوازێکی پێشکەو توو لە خوێندگەکەیانە جێبەجێ بکەن.

پێنجوێن - پڕۆگرامی پێنجوێنی شاری فێربوون ئەمڕۆ پێنجشەممە، ١٢ی شوباتی ٢٠٢٦، پانێڵێکی تایبەتی ئەکادیمی بە ناونیشانی ژینگە و ژیان: لە هزرەوە بۆ کردار لە هۆڵی پڕۆگرامی پینجوێن شاری فێربوون لە کتێبخانەی گشتی پێنجوێن بەڕێوەبرد. ئەم پانێڵە کە لە کاتژمێر ٢ی دوای نیوەڕۆدا لە نهۆمی دووەمی کتێبخانەی گشتی پێنجوێن دەستی پێکرد، لەلایەن دوو ئەکادیمی و توێژەری ناسراوی زانکۆوە پێشکەش کرا: پرۆفیسۆری یاریدەدەر د. کارزان عەبدوڵڵا و پرۆفیسۆری یاریدەدەر د. عەبدوڵڵا ئەحمەد (د. خاکی). ئەم چالاکییە ئەکادیمییە بە سەرکەوتوویی و بە بەشداریکردنی بەرچاوی ژمارەیەک لە دانیشتوانی پێنجوێن و ئامادەبوونی خانەوادەی شەهیدانی ژینگە بێستون عەبدوڵڵا و ئالان یوسف بەڕێوەچوو. پانێڵەکە هەلێکی گرنگ بوو بۆ لێکدانەوە و گفتوگۆ سەبارەت بە پرسی ژینگە و گرنگی گواستنەوەی هزر بۆ کردار لە بواری پاراستنی ژینگە و ژیان.

پێنجوێن شاری فێربوون خولی "پێگەیاندنی نەوەی کاریگەر" بە شێوەیەکی هەفتانە لە ڕۆژانی هەینی و شەممەدا لە پڕۆگرامی پێنجوێن بەڕێوەدەچێت، ئەمەش بە داواکاری دایک و باوکان و فێرخوازان. چالاکییەکانی ڕۆژی شەممە لە ڕۆژی ٣١ی کانوونی دووەمی ٢٠٢٦، دوو وانەی تایبەت پێشکەش بە فێرخوازان کرا: وانەی ئینگلیزی- مامۆستا هێمن مەنوچەهر سان ئەحمەد لایەنە گرنگەکانی پەیوەندی و کاریگەری زمانی ئینگلیزی پێشکەشی بەشداربوواندەکات وانەی کۆمپیوتەر - مامۆستا ئومێد عومەر ئیسماعیل وانەیەکی پراکتیکی لە بواری کۆمپیوتەردا پێشکەشدەکات ئەم خولە پەروەردەییە بەشێکە لە پابەندبوونی پڕۆگرامی پێنجوێن بە پێشکەشکردنی خزمەتگوزاریی پەروەردەیی بەکوالیتی بەرز بۆ گەشەپێدانی کارامەیی نەوەی گەنج.

وەڵامدانەوە بە پێداویستی فێرخوازان بەهۆی ڕەزامەندی بەرز و داواکاری بەردەوامی دایک و باوکان و فێرخوازانی خولی "پێگەیاندنی نەوەی کاریگەر"، پڕۆگرامی پێنجوێن شاری فێربوون بڕیارێکی گرنگی دا. لە دوای کۆتاییهاتنی ئەم خولە پەروەردەییە، بەڕێوەبەرایەتی پڕۆگرامەکە بڕیاری درێژەدان بەخولەکەی ڕاگەیاند بە شێوەیەکی هەفتانە. خشتەی نوێی وانەکان لە ئێستادا خولەکە هەفتانە لە ڕۆژانی هەینی و شەممە بەڕێوەدەچێت، ئەمەش دەرفەتێکی باشتر بۆ فێرخوازان دابین دەکات بۆ بەشداریکردن لە وانە جیاجیاکان. چالاکییەکانی ڕۆژی هەینی 30-1-2026 لە ڕۆژی هەینی، 30ی کانوونی دووەمی 2026 ئەنجامدرا، دوو وانەی تایبەت و گرنگ پێشکەش بە فێرخوازان کرا: وانەی ئینگلیزی مامۆستا هێمن مەنوچەهر سان ئەحمەد وانەیەکی تایبەت لە بواری زمانی ئینگلیزی پێشکەش کرد، کە تێیدا لایەنە گرنگەکانی پەیوەندی و کاریگەری زمانی ئینگلیزی شیکردەوە. وانەی کۆمپیوتەر مامۆستا ئومێد عومەر ئیسماعیل وانەیەکی پراکتیکی و کرداری لە بواری کۆمپیوتەر و تەکنەلۆژیای زانیاری ڕاگەیاند، کە بەشێک بوو لە پڕۆگرامی گەشەپێدانی لێهاتووییەکانی فێرخوازان. گرنگی بەردەوامبوونی خولەکە بەردەوامبوونی ئەم خولە پەروەردەییە نیشانەی پابەندبوونی پڕۆگرامی پێنجوێن بە پێشکەشکردنی خزمەتگوزاریی پەروەردەیی بەکوالیتی بەرزە، هەروەها وەڵامدانەوەیەکی ئەرێنییە بۆ داواکاری کۆمەڵگە لە بواری گەشەپێدانی کارامەیی نەوەی گەنج.

بە سەرکەوتوویی خولی یەک مانگی پێگەیاندنی نەوەی کاریگەر کۆتایی هات ئەمڕۆ خولی یەک مانگی پێگەیاندنی نەوەی کاریگەر بە سەرکەوتوویی کۆتایی هات، کە لە چوارچێوەی کار و چالاکییە فێرکارییەکانی پڕۆگرامی پێنجوێن شاری فێربوون ڕێکخرا بوو. ئەم خولە ماوەی یەک مانگ بەردەوام بوو و ئامانجی سەرەکیی پەرەپێدانی تواناکانی گەنجان و بەشدارییان بوو لە بواری پێگەیاندن و دروستکردنی نەوەیەکی کاریگەر و هۆشیار. لە کۆتایی خولەکەدا، بڕوانامەی بەشداری بە سەرجەم بەشداربوان بەخشرا، هەروەها لەلایەن پڕۆگرامی پێنجوێن شاری فێربوونەوە قەڵغانی سوپاس و پێزانین پێشکەش بە مامۆستای سەرەکی خولەکە کرا مامۆستا (ئالان محێدین قەرەداخی) بۆ هەوڵ و ماندووبوونی و ئاستی بەرزی وانە و ڕاهێنانەکانی. لە هەمان کاتدا، پڕۆگرامی پێنجوێن شاری فێربوون سوپاس و پێزانینی تایبەتی ئاڕاستەی سەرجەم ئەو مامۆستا ڕاهێنەرانەدەکات کە لە چوارچێوەی ئەم خولەدا بەشدارییان کردووە و بابەتی تایبەتیان پێشکەش کردووە لە ماوەی ڕۆژێک یان دوو ڕۆژدا، ئەوانیش بریتین لە: دکتۆر سۆران بەها ئاوات محمد مامۆستا هێمن مەنوچەهر سان ئەحمەد پڕۆگرامی پێنجوێن شاری فێربوون پشتگیری و هاندانی چالاکیی فێرکاری و گەشەپێدانی توانای گەنجان بە گرنگترین ئەرکەکانی دەزانێت و بەردەوام دەبێت لە ڕێکخستنی خولی هاوشێوە بۆ دروستکردنی نەوەیەکی زانای کاریگەر و خزمەتگوزار.

پێنجوێن - لە کەشێکی بەفراوی و دوای کۆتاییهاتنی تاقیکردنەوەکانی وەرزی یەکەمی خوێندن، ئەمڕۆ ١٠ی کانوونی دووەمی ٢٠٢٥، خولی پێگەیاندنی گەنجی کاریگەر کارەکانی خۆی دەستپێکردەوە. ئەم خولە کە بەشێکە لە "پڕۆگرامی پێنجوێن شاری فێربوون"، هەوڵی بەرزکردنەوەی توانا و لێهاتوویی گەنجان دەدات لەڕێگەی ئەزموون و هەوڵدانەوەی بەردەوام. ئامانجی سەرەکی پڕۆگرامەکە پێگەیاندنی نەوەیەکی چالاک و بەرپرسیارە کە دەتوانێت ڕۆڵی کاریگەری لە پێشخستنی کۆمەڵگادا بگێڕێت.

لە 12ی کانونی یەکەمی 2025دا تەوەری تایبەت بە "تەکنیکەکانی لەبەرکردن یارییە هزرییەکان" لە چوارچێوەی "خولی پێگەیاندنی نەوەی کاریگەر" لەلایەن زۆر بەڕێز ڕاهێنەر:ئاوات عزیز شارەزای تەکنیکەکانی لەبەرکردن و یارییە فکرییەکان وترایەوە. ئەم خولە لە کتێبخانەی گشتی پێنجوێن - هۆلی پڕۆگرامی پێنجوێن شاری فێربوون بەڕێوەدەچێت و ئامانجی پەرەپێدانی توانای هزری و بیرکردنەوەی لۆژیکی بەشداربووانە لەڕێگەی یاری و چالاکییەوە. کۆڕسەکە دەرفەتێکی نایابە بۆ فێربوونی تەکنیکەکانی چارەسەرکردنی کێشەکان و بەهێزکردنی کارامەیی مێشک لە سەردەمی تەکنەلۆژیا و پێشکەوتنی زانستیدا.

"ئەمڕۆ ماندووبوون، سبەینێ گەیشتن بە سەرکەوتن" پێنجوێن - ئامادەیی پێنجوێن ٨/١٢/٢٠٢٥ لە چوارچێوەی کار و چالاکییە پەروەردەییە بەردەوامەکانی پڕۆگرامی پێنجوێن شاری فێربوون، ئەمڕۆ سیمینارێکی تایبەت لە ئامادەیی پێنجوێن بەڕێوەچوو. ماندووبوون ڕێگایە بۆ سەرکەوتن بەڕێز ڕاهێنەر ئاراس کەریم پێنجوێنی وەک پێشکەشکاری ئەم سیمینارە، جەختی لەسەر فەلسەفەیەکی ژیان کردەوە کە دەڵێت: "ئەمڕۆ ماندووبوون، سبەینێ گەیشتن بە سەرکەوتن". لە وتارەکەیدا، پێنجوێنی باسی لە گرنگی بەرگری، پابەندبوون، و ماندووبوونی ئێستا وەک وەبەرهێنان بۆ داهاتوویەکی گەشاوە کرد. ئەو هانی بەشداربووانی دا کە هیچکات دەست لە خەون و ئامانجەکانیان هەڵنەگرن، چونکە هەموو ماندووبوونێک هەنگاوێکە بەرەو سەرکەوتن. بەردەوامی لە پێشکەشکردنی ناوەڕۆکی بەنرخ ئەم چالاکییە بەشێکە لە کار و چالاکییە بەردەوامەکانی پڕۆگرامی پێنجوێن کە ئامانجی پەروەردەکردنی نەوەیەکی بەهێز و خاوەن ویستی بەهێزە بۆ گەیشتن بە ئامانجەکانیان. پڕۆگرامەکە بەردەوامە لە دابینکردنی دەرفەتی فێربوون و پەرەپێدان بۆ بەشداربووان لە بوارە جیاجیاکان. بەشداربووان دەرفەتیان بەدەستهێنا کە بیروڕاکان و ئەزموونی کەسی خۆیان لەگەڵ ڕاهێنەردا بەشبکەن. پڕۆگرامی پێنجوێن شاری فێربوون وەک دەروازەیەکی کراوە بۆ هەموو ئەو کەسانەی بەدوای گەشەکردن و پەروەردەیەکی بەرزدا دەگەڕێن، و بەردەوامە لە پێشکەشکردنی سیمینار و وانە جۆراوجۆرەکان. لە کۆتییدا زۆر سوپاسی بەڕێز ئاراس کەریم پێنجوێنی دەکەین کە ئەرکیان کێشا بۆ پێشکەشکردنی ئەم سیمینارە و سوپاسی بێ پایانیش ئاڕاستەی بەڕێوەبەرێتی پەروەردەی پێنجوێن و بەڕێوەبەر و مامۆستایان و دەستەی کارگێڕی ئامادەیی پێنجوێنی تێکەڵاو دەکەین، کە هەمیشە هاوکار و دەستباری کار و چالاکییەکانی پڕۆگرامی پێنجوێن شاری فێربوونن .

گەشتێک بۆ ناو جیهانی خوێندنەوە... لە چوارچێوەی خولی پێگەیاندنی نەوەی کاریگەر لە پڕۆگرامی پێنجوێن، شاری فێربوون لە دووەم ڕۆژی خولەکەدا.تەواوی ڕۆژەکە تایبەتکرا بە خوێندنەوە و بە کلتووری کردنی خوێندنەوە لای گەنجان و لاوان، ئەم بەشەی خولەکە لەلایەن زۆر بەڕێز دکتۆر سۆران بەها، پێشکەش کرا. ناونیشانی وانە: "خوێندنەوە و بەکلتوریکردنی خوێندنەوە" بەروار: ٥-١٢-٢٠٢٥ - ڕۆژی هەینی بەشداربووان دەرفەتی بەنرخیان بەدەست هێنا بۆ فێربوونی شێوازەکانی خوێندنەوەی کاریگەر و چۆنیەتی بەکلتوریکردنی خوێندنەوە وەک بەشێک لە ژیانی ڕۆژانە، لە ئاڕاستەی درووستکردنی نەوەیەکی خوێندەوار و بیرمەند. خولەکە بەردەوامە لە پێشکەشکردنی ناوەڕۆکی پسپۆڕانە بۆ گەشەپێدانی کەسایەتی و توانا کۆمەڵایەتییەکانی بەشداربووان. خولی پێگەیاندنی نەوەی کاریگەر - پڕۆگرامی پێنجوێن شاری فێربوون،

پێنجوێن - ٢٩-١١-٢٠٢٥ مامۆستای خول: مامۆستا ئالان قەرەداخی (نوسەری ٢٠ کتێبی زانستی و ئەدەبی) و خاوەنی چەند پڕۆژەیەکی تەکنەلۆژی. ئەمڕۆ، لە شاری پێنجوێن و لە نێو کتێبخانەی گشتیی شارەکەدا، پڕۆگرامی "پێنجوێن شاری فێربوون" دەستپێکردنی خولێکی نوێی بە ناوی "پێگەیاندنی نەوەی کاریگەر" ڕاگەیاند، کە ئامانج لێی گەشەپێدانی توانا زانستی و هزرییەکانی لاوانە. خولەکە تایبەت کراوە بە تەمەنەکانی ١٢ بۆ ١٨ ساڵ و بڕیارە بۆ ماوەی یەک مانگ بەردەوام بێت. بەگوێرەی بەرنامەی دانراو، وانەکان هەمەچەشنن و گرنگی بە هەردوو لایەنی تەکنەلۆژیا و گەشەپێدانی مرۆیی دەدەن، دیارترین بابەتەکانیش بریتین لە: (زیرەکی دەستکرد و ئەلکترۆنیات، کۆمپیوتەر، هونەری وتاردان و باوەڕبەخۆبوون، لەگەڵ پڕۆژەی خوێندنەوە و یارییە فکرییەکان). خولەکە هەفتانە دوو ڕۆژ (هەینی و شەممە) لە کاتژمێر ١:٠٠ی پاشنیوەڕۆ تا ٤:٠٠ی عەسر لە نهۆمی دووەمی کتێبخانەی گشتیی پێنجوێن بەڕێوەدەچێت. سەبارەت بە هاوکاتبوونی خولەکە لەگەڵ وەرزی خوێندن، مەبەستی پاراستنی ئاستی زانستی قوتابیان، خولەکە لە کاتی تاقیکردنەوەکانی خوێندنگەکاندا بە شێوەیەکی کاتی ڕادەگیرێت و دواتر دەستپێدەکاتەوە. ئەم پڕۆژەیە هەوڵێکە بۆ دۆزینەوەی توانا شاراوەکانی لاوانی سنورەکە و ئاڕاستەکردنیان بەرەو داهاتوویەکی ڕۆشنتر لە ڕێگەی زانست و مەعریفەوە.

بۆردی پەروەردەیی پڕۆژی پێنجوێن شاری فێربوون لەگەڵ کۆمەڵێک لە ڕاهێنەرانی شاری پێنجوێن کۆبونەوە . مەبەست لەکۆبونەوەکە بەرنامەڕێژی بوو بۆ پڕۆژەیەکی پەروەردەیی گەورە لە سنوورەکە.