چالاکییەکان

بەسپۆنسەری پڕۆگرامی پێنجوێن شاری فێربوون و بە هاوبەشی ڕێکخراوی ملەکەوە بۆ پاراستنی ژینگە کولانەیەکی گەورە بۆ باڵندەکان، بەتایبەت کۆتری کێوی، لەسەر بینای فەرمانگەیەک لە پێنجوێن بەبڕی تێچووی (٢.١٧٢.٠٠٠) دینار دروستکراوە. ئەم هاوبەشییە هەنگاوێکی گرنگ و کاریگەرە بۆ پاراستن و چاودێریکردنی باڵندە سروشتیەکانی ناوچەکە. پڕۆگرامی پێنجوێن شاری فێربوون و ڕێکخراوی ملەکەوە پێکەوە کاریان کردووە بۆ دیزاین و دروستکردنی ئەم کولانەیە. کولانەکە بە شێوەیەکی تایبەت و پیشەیی دیزاین کراوە بۆ دابینکردنی ژینگەیەکی گونجاو بۆ نیشتەجێبوون و زاوزێی کۆتری کێوی. ئەمە یارمەتی دەدات بۆ پاراستنی ئەم جۆرە باڵندانە کە لە مەترسی کەمبوونەوە و لەناوچووندان. بەرپرسانی پڕۆژەکە ئاماژە دەدەن کە ئەم هەنگاوە بەشێکە لە هەوڵەکانی پاراستنی جۆراوجۆری سروشتی و ژینگەیی لە شاری پێنجوێن، کە دەرخەری هاوکاری و گرنگیدان بە پاراستنی ژینگەی

🔸ئەمڕۆ، شاری ئەحسا؛ شاری داهێنەری پیشە دەستییەکان لە یونسکۆ، شانشینی سعودیە، د. هەڤاڵ ئەبوبەکر پارێزگاری سلێمانی، لە سەر بانگهێشتنامەی فەرمیی بەڕێزان ئەمیندارێتیی پارێزگای ئەحسای شانشینی سعودیەو بەچاودێریی و ئامادەبوونی بەڕێزان میر سعود بن تەڵال بن بەدر ئال سعود خاوەنشکۆی شاهانەو پارێزگاری ئەحساو، ئەندازیار عيسام بن عەبدوللەتیف ئەلمولا ئەمینداریی شاری ئەحساو سەرۆکی شارە داهێنەرەکانی یونسکۆ بۆ پیشە دەستییەکان و هونەرە میللییەکان و پارێزگارانی شارە داهێنەرەکانی یونسکۆ لە جیهاندا، بەسەرۆکایەتیی شاندی کوردستان و پارێزگای سلێمانی (شاری داهێنەری ئەدەب لە یونسکۆو شاری 🔸پێنجوێن کاندید بۆ وەرگرتنی نازناوی شاری فێربوون لە یونسکۆ)، بە ئەندامێتیی بەڕێزان 🪪دکتۆر عەبدولفەتاح هەورامیی نوێنەری بۆردی پێنجوێن؛ شاری فێربوون و ئەندازیار شەماڵ ئەبوبەکر بەرپرسی ژوری سلێمانی شاری داهێنەری ئەدەب لە یونسکۆ، بەشدارییان کرد لە مەراسیمی کردنەوەی دیداری نێودەوڵەتیی یونسکۆ بۆ بۆ پیشە دەستییەکان و هونەرە میللییەکان. پارێزگاری سلێمانی و وەفدی هاوڕێی؛ زۆر بە گەرمیی و تایبەتیی لەلایەن بەڕێزان میر سعود بن تەڵال بن بەدر ئال سعود خاوەنشکۆی شاهانەو پارێزگاری ئەحساو، ئەندازیار عيسام بن عەبدوللەتیف ئەلمولا ئەمینداریی شاری ئەحساو سەرۆکی شارە داهێنەرەکانی یونسکۆ بۆ پیشە دەستییەکان و هونەرە میللییەکان و پارێزگارانی شارە داهێنەرەکانی یونسکۆ لە جیهاندا، پێشوازیکران، پارێزگاری سلێمانی خەڵاتی تایبەتیی پارێزگای سلێمانی؛ شاری داهێنەری ئەدەب لە یونسکۆو، پێنجوێن؛ شاری فێربوونی پێشکەشکردن و هەموو بەشداربووان خۆشحاڵیی خۆیان لە بەشداریکردنی وەفدی پارێزگای سلێمانی؛ دەربڕی.

پڕۆگرامی پێنجوێن شاری فێربوون خولێکی یەک مانگەی تایبەت بە نەهێشتنی نەخوێندەواری تایبەت بە وانەکانی کوردی و بیرکاری کردەوە. ئەم خولە هەنگاوێکی گرنگە بۆ بەرەنگاربوونەوەی دیاردەی نەخوێندەواری لە ناوچەکە و پەرەپێدانی ئاستی زانستی و خوێندەواریی هاوڵاتیان. بەشداربووان لەماوەی یەک مانگدا دەتوانن کارامەیی خوێندن و نووسینی زمانی کوردی و ئاستی بیرکاریی خۆیان باشتر بکەن. پڕۆگرامی پێنجوێن شاری فێربوون بەردەوامە لە کارکردن بۆ بەرزکردنەوەی ئاستی خوێندەواری و پەروەردە لە ناوچەکەدا، بە دابینکردنی خولی جۆراوجۆر بۆ تاکەکان. ئەم هەنگاوە نیشاندەری گرنگیدانی بەرپرسانی پڕۆگرامەکە بە پەروەردە و فێرکردنی هاوڵاتیانە، بەتایبەت ئەوانەی دەرفەتی خوێندنیان لە تەمەنی پێشووتردا بۆ نەڕەخساوە. بەشداربووان لە کۆتایی خولەکەدا بڕوانامەی تایبەت وەردەگرن، کە دەبێتە هۆی هاندانیان بۆ بەردەوامبوون لە خوێندن و فێربوون.

"کاریگەرییە سۆزداری و ڕۆحییەکان (خۆشەویستی، لێبوردەیی، ڕق و توڕەبوون) لەسەر تەندروستی"... ئەمە ناونیشانی سیمینارێکی گرنگ و تایبەت بوو لەلایەن بەڕێز پڕۆفیسۆری یاریدەدەر دکتۆر (عبداللە ٲحمد حمە) مامۆستای زانکۆ و بەڕێوەبەری سەنتەری هۆشیاری تەندروستی لە پارێزگای سلێمانی لەپێنجوێن بەڕێوەچوو ‎لە کۆتایدا لە لایەن بۆرری باڵای پرۆگرامی پێنجوێن شاری فێربوون سوپاس و ڕێز بەخشرایە پڕۆفیسۆری یاریدەدەر دکتۆر (عبداللە ٲحمد حمە)

پڕۆگرامی پێنجوێن؛ شاری فێربوون، لە چوارچێوەی بەشی گەنجانی خۆیدا، لەڕێگەی گەنجانی ماتۆڕسواری شارۆچکەکە بەشداری پاڵەوانیەتیەکی ماتۆرسکیل دەکات، کە تیایدا بەسەرپەرشتی قائمقامییەتی قازای پینجوێن و ڕێگەپێدانی دەزگا ئەمنیەکان و بە ئامادەبوونی ژماریەکی بەرچاوی ماتۆڕسواری ناوچە جیاجیاکانی سنووری پارێزگای سلێمانی نمایشێکی ماتۆڕسواری بەڕێوەچوو. ئامانج لەم چالاکییانە - پتەوکردنی پەیوەندی برایەتی - یەکخستن و گەشەپێدانی تواناکانی گەنجان - بەرزکردنەوەی ئاستی هاریکاری و تێگەیشتن لە ئایندەیەکی نزیکدا، پڕۆگرامەکە پلانی بەڕێوەبردنی پاڵەوانیەتیەکی دیکە دادەڕێژێت، بە هیوای پاراستنی سەلامەتی و پێشخستنی وەرزش و هاریکاری کۆمەڵایەتی.

ئەمڕۆ ڕێکەوتی ٣٠-١-٢٠٢٥ لە پاش کۆتاییهاتنی خولێکی تایبەت بە فێربوونی بەرنامەی (مایکرۆسۆفت ئۆفیس پاوەر پۆینت)، کە لەلایەن مامۆستا (ئومێد عمر)ەوە وترایەوە،ئەمڕۆ بڕوانامەی بەشداری کردن بەخشرایە بەشداربووان، لە کۆتاییدا لەلایەن بۆردی باڵای پرۆژەی پێنجوێن شاری فێربوون سوپاس و پێزانین بەخشرایە مامۆستای خول (ئومێد عمر) .

پڕۆگرامی پێنجوێن شاری فێربوون خولێکی نوێی تایبەت بە فێربوونی مایکرۆسۆفت ئۆفیس پاوەر پۆینت دەستپێکرد. مامۆستا ئومێد عمر سەرپەرشتی ئەم خولە دەکات کە ئامانج لێی پەرەپێدانی تواناکانی بەشداربووانە لە بواری بەکارهێنانی ئەم بەرنامە گرنگەدا. خولەکە دەرفەتێکی باشە بۆ ئەو کەسانەی دەیانەوێت فێری شێوازی دروستکردنی پرێزەنتەیشنی پیشەیی ببن، کە لە بوارەکانی خوێندن و کارکردندا سوودی بەرچاوی هەیە. پڕۆگرامی پێنجوێن شاری فێربوون بەردەوامە لە پێشکەشکردنی خولی جۆراوجۆری تەکنەلۆژیا بۆ هاوڵاتیان، بە مەبەستی بەرزکردنەوەی ئاستی زانست و کارامەییان لە بوارە جیاوازەکانی تەکنەلۆژیای زانیاری. جێگای باسە، پێنجوێن شاری فێربوون پێشتریش چەندین خولی هاوشێوەی کردۆتەوە لە بوارەکانی کۆمپیوتەر و تەکنەلۆژیادا، کە رۆڵێکی کاریگەریان هەبووە لە گەشەپێدانی تواناکانی دانیشتوانی ناوچەکە.

(دەرمانێکی کاریگەر بۆ دەردێکی درێژخایەن). ئەمڕۆ ڕێکەوتی ٢٥-١-٢٠٢٥ لە پێنجوێن - سیمینارێکی گرنگ و پەروەردەیی سەبارەت بە دەرمانی کاردواخستن بەڕێوەچوو، کە تیایدا (گەشتیار غەریب)، کە خاوەنی چەندین نوسین و کتێبی وەڕگێردراوی بواری مامەڵە و بزنسە لە سێکتەرە جیاجیاکانی ژیاندا، باسی دەرمانی کاردواخستنی لە بوارە پەروەردەیی و بزنسییەکان کرد. بەشداربووان زانیاری بەسوودیان لەسەر ئەم بابەتە گرنگە وەرگرت. لە سیمینارەکەدا چەمکەکانی دواخستن و کاریگەرییەکانی لە بوارەکانی پەروەردە و بزنسدا شیکرانەوە. بەشداربووان دەرفەتی ئەوەیان بوو پرسیار بکەن و زانیاری زیاتر وەربگرن. کاری ئەمڕۆ مەسپێرە بە سبەی ... (دەرمانێکی گرنگە بۆ دەردێکی درێژخایەن). ئەم چالاکییە بەشێک بوو لە هەوڵەکانی پەرەپێدانی زانست و ئەزموون لە بوارەکانی پەروەردە و بزنسدا. لە کۆتاییدا سوپاس و پێزانین ئاڕاستەی بەڕێز گەشتیار غەریب و زێوەر غەریب کرا کە خاوەنی بزنسێکی گرنگ و سەردەمیین بەناوی (کارسازی شادمان)، کە لەبواری ڕاوێژ و پەرەپێدانی بزنسدا کاردەکەن.

لە ڕێکەوتی ٢١ی کانوونی دووەمی ٢٠٢٥، سیمینارێکی تایبەت بە ناونیشانی "چۆن زووبگەینە ئامانجەکانمان" لە پڕۆگرامی پێنجوێن شاری فێربوون بەڕێوەچوو. سیمینارەکە کە لەلایەن بەڕێز م. توانا عبدالکریم پێنجوێنی پێشکەشکرا، بەڕێزیان تیشکی خستە سەر گرنگترین ڕێگاکانی دیاریکردن و گەیشتن بە ئامانجە کەسی و پیشەییەکان. بەشداربووان، چەندین تەکنیک و ستراتیژی نوێیان فێربوون بۆ دانانی پلانی کاریگەر و جێبەجێکردنی بە شێوەیەکی سەرکەوتوو. هەروەها باس لە گرنگی بەردەوامبوون و خۆڕاگری لە ڕێگەی گەیشتن بە ئامانجەکان کرا. م.توانا جەختی لەوە کردەوە کە "گەیشتن بە ئامانجەکان پێویستی بە پلانی ورد و کاتبەندی دروست هەیە. دەبێت خەڵک فێری ئەوەبن چۆن ئامانجە گەورەکان بکەن بە چەند هەنگاوێکی بچووکتر." لە کۆتایی سیمینارەکە سوپاس و ڕێز بەخشرا(بەڕێز .توانا عبدالکریم پێنجوێنی)

لە چوارچێوەی چالاکییەکانی پڕۆگرامی پێنجوێن شاری فێربوون، بەهۆی گرنگی و کەشەسەندنی کەرتی کشتوکاڵ لە شارۆچکەی پێنجوێن، ڕێکەوتی ١٤-١-٢٠٢٥ سیمینارێکی گرنگ لەژێر ناونیشانی "کشتوکاڵی بەردەوام: بەرپرسیارێتییەک بۆ نەوەکانی داهاتوو" لەلایەن دکتۆر محمدخانییەوە پێشکەشکرا. لە سیمینارەکەدا تیشک خرایە سەر گرنگی پاراستنی سەرچاوە سروشتییەکان و گەشەپێدانی شێوازی کشتوکاڵی هاوچەرخ کە لەگەڵ ژینگەدا دەگونجێت، پاشان جەخت لەسەر ئەوە کرایەوە کە کشتوکاڵی بەردەوام تەنها پرسێکی ئابووری نییە، بەڵکو بەرپرسیارێتییەکی گەورەیە بۆ پاراستنی ژینگە و دابینکردنی ئاسایشی خۆراک بۆ نەوەکانی داهاتوو. ئەم سیمینارە بەشێکە لە هەوڵەکانی پڕۆگرامی پێنجوێن بۆ بڵاوکردنەوەی هۆشیاری و زانیاری پێویست دەربارەی گرنگترین پرسە هاوچەرخەکان، ئامادەبوونی جوتیاران و پسپۆڕانی بواری کشتوکاڵ، و چەندین کەسایەتییەی دیکەی ناوچەکە دەرفەتێکی باشی ڕەخساند بۆ ئاڵوگۆڕی زانیاری و ئەزموونەکان. ئەم کۆبوونەوەیە بووە پردێک لە نێوان زانستی ئەکادیمی و ئەزموونی کردەیی جوتیارانی ناوچەکە، کە دەتوانێت کاریگەری ئەرێنی لەسەر گەشەپێدانی کەرتی کشتوکاڵی لە ناوچەکەدا هەبێت.

بەرواری ٥-١-٢٠٢٥ لە مەڕاسیمیکی تایبەتدا قەڵغانی سوپاس و ڕێز بەخشرایە بەڕێز مامۆستا (ئومێد عمر ئیسماعیل) بە وتنەوەی وانەی (مایکرۆسۆفت ۆورد) مامۆستایانی خولی دروومانی ١- نعیمە محمد رسول ٢- تەلان محمد ئەحمد ٣- شادومان عطامحمد پێدانی بڕوانامە بەشداری کردن بە و فێرخوازانەی کە بەشداری خولەکەیان کردبوو لە لایەن ئەندامانی بۆردی پرۆگرامی پێنجوێن شاری فێربوون زۆر سوپاسی مامۆستایانی هەردوو خول دەکەین کە هاوکارمان بوون.

دیدارێک بەمەبەستی هەنگاونانی پێنجوێن بەرەو یونسکۆ و بەشداری سەرکەوتووانە لە کۆنگرەی شارە فێربوونەکانی جیهان. ئەمڕۆ ڕێکەوتی ٢٥-١٢-٢٠٢٤ لەدیدارێکدا کە بە ئامادەبوونی بەڕێز پارێزگاری سلێمانی و قائمقامی قەزای پێنجوێن و ژمارەیەک لە بەڕێوەبەر و نوێنەری فەرمانگە حکومی و حیزبی و چین و توێژە جیاجیاکانی قەزاکە دیدارێکی گرنگ و ئامانجادار ئەنجامدرا، لە چوارچێوەی هەوڵەکانی شاری پێنجوێن بۆ بەدەستهێنانی ئەندامێتی تۆڕی شارە فێربوونەکانی یونسکۆ ، شاندێکی باڵای پڕۆگرامی پێنجوێن شاری فێربوون بەشداری لە کۆنگرەی شەشەمی شارە فێربوونەکانی جیهان کرد کە لە شاری جوبەیلی سعودیە بەڕێوەچوو. شاندی پێنجوێن لەم کۆنگرەیەدا خستیانە ڕوو کە شارەکەیان خاوەن پێگە و پێشینەیەکی گەورەیە لە بواری پەروەردە و فێرکردن و ئامادەیی تەواویان هەیە بۆ بەشداریکردن لە پڕۆسەی گۆڕینەوەی ئەزموون و شارەزایی لەگەڵ شارە فێربوونەکانی جیهان. جێی باسە، ئەندامبوونی پێنجوێن لە تۆڕی شارە فێربوونەکانی یونسکۆ دەبێتە هۆی کردنەوەی دەروازەیەکی نوێ بۆ پەرەپێدانی پڕۆسەی پەروەردە و فێرکردن لە شارەکەدا و دەرفەتی زیاتر دەڕەخسێنێت بۆ سوودوەرگرتن لە ئەزموونی وڵاتانی پێشکەوتوو لەم بوارەدا. بەم شێوەیە، پێنجوێن هەنگاوێکی گرنگی ناوە بەرەو ئاستی نێودەوڵەتی و چاوەڕوان دەکرێت لە داهاتوویەکی نزیکدا ببێتە یەکێک لە شارە فێربوونەکانی سەر بە ڕێکخراوی یونسکۆ.

سیمینارێکی گرنگ لە لایەن (پ.ی.د.عبدالفتاح هەورامی) پێشکەش کرا بۆ ئەو فێرخوازانەی بەشداری خولی مایکرۆسۆفت ۆورد و درومانی خانمانیان کرد بوو ، لەسیمینارەکەدا تیشکخرایە سەر شێوازی هەوڵدان بۆ داهێنان و بوون بە کەسایەتییەک جێدەستمان لە ژیاندا دیار و کاریگەربێت بۆ خۆمان و چواردەورمان.

لە درێژەی زنجیرە سیمینارە تەندروستیەکانمان ئەمڕۆ بەرواری ٢٥-١٢-٢٠٢٤ بەشی تەندروستی پڕۆگرامی پێنجوێن شاری فێربوون بە سەرپەشتی بەڕێز (لقمان لەطیف) سەرپەرشتیاری بەشی تەندروستی پڕۆگرامەکە، دوو سیمیناری تایبەت بە(شێرپەنجەی مەمک) لە دوو کاتی جیاواز لە بەیانیان و دوا نیوەڕوان، لەلایەن ڕاهێنەرانی خۆبەخشی ڕێگە پێدراوی پڕۆژە (بینایی عمر) و (سارا باقی) ەوە پێشکەشکران.

ئەمڕۆ ڕێکەوتی ١٧-١٢-٢٠٢٤ دەستەی باڵای ئەندامانی بۆردی بەڕێوەبردنی پڕۆگرامی پێنجوێن شاری فێربوون، سەردانی بەڕێز دکتۆر هەڤاڵ ئەبوبکر پارێزگاری سلێمانیان لە دیوانی پارێزگای سلێمانی کرد بەمەبەستی ئاڕاستەکردنی سوپاس و پێزانینی بەڕێز پارێزگاری سلێمانی، لەکاتێکدا لەماوەی ڕابردوودا سەرۆکایەتی شاندی پڕۆگرامی پێنجوێن شاری فێربوون بوو لە شەشەمین کۆنگرەی شارەفێربوونەکانی جیهان کە لە شاری جوبەیلی شانشینی سعودییە ئەنجامدرا، لەم دیدارەدا گفتوگۆ لەسەر دوابەشداریی بۆردی پێنجوێن؛ شاری فێربوون بە سەرۆکایەتیی پارێزگاری سلێمانی بۆ شەشەمین کۆنگرەی نێودەوڵەتیی یونسکۆ بۆ شارەکانی فێربوون کرا. بەڕێزان سەرۆک و ئەندامانی بۆردی بەڕێوەبردنی پێنجوێن؛ شاری فێربوون، سوپاسی هەوڵ و بەشدارییەکانی پارێزگاری سلێمانیان کرد، پارێزگاری سلێمانی سوپاس و پشتیوانیی تەواوی خۆی بۆ سەرخستنی ئەم هەوڵە شایستانە دووپاتکردەوە.