چالاکییەکان

لە هەمان ڕۆژی ڕاگەیاندنی پڕۆگرامی پێنجوێن شاری فێربووندا، وەک هەنگاوی یەکەمی کردەیی بە خولێکی ٣ ڕۆژی تایبەت بە مامۆستایانی (ئامادەیی ڕێچکەی تێکەڵاو) بەشێوەیەکی خۆبەخشانە دەست بە کار و چالاکییەکان کرا، ئامانجی ئەم خولە پەرەپێدانە بە توانای مامۆستایانی کەرتی پەروەردە و سەرەتا لەم خوێندنگەیەوە دەستپێکراو و بەشێوەیەکی بەردەوام خولی هاوشێوە بۆ سەرجەم خوێندنگەکانی دیکەی شارۆچکەکە بەپێی پلانێکی تۆکمە و ئاستبەرز پێشکەشدەکرێت، هاوکات سەرجەم تێچوو ئەم خولە چالاکییەکانی دیکەی پڕۆگرامی پێنجوێن شاری فێربوون لەسەر ئەستۆی پڕۆگرام دەبێت، واتە بەشداربوو هیچ ئەرکێکی مادی ناکەوێتە سەرشانی.