چالاکییەکان

ئەمڕۆ کە یادی سێ ساڵەی دەستبەکاربوونی "پڕۆگرامی پێنجوێن شاری فێربوون" (لە ١٨-٦-٢٠٢٣ تا ١٨-٦-٢٠٢٦) دەکەینەوە، شانازی بەو ڕێچکە پڕ لە دەستکەوتە دەکەین کە بە پشتیوانی خوای گەورە و پاشان ئێوەی ئازیز بڕیومانە. لە ماوەی ئەم سێ ساڵەدا، تیمەکەمان بە دڵسۆزییەوە کاری کردووە بۆ ئەوەی پێنجوێن بکەینە ناوەندێکی گەشەسەندووی فێربوون و خزمەتگوزاری. بە ئەنجامدانی ٢٥٧ چالاکی جۆراوجۆر، توانیومانە بگینە دڵی ١٠,٠١١ سوودمەند لە سەرانسەری ناوچەکەدا. بەشێک لە دیارترین دەستکەوتەکانی ئەم سێ ساڵە: ژینگە: ڕواندنی زیاتر لە ٤٠ هەزار نەمام بەسەرپەرشتی گروپی درەخت. پەروەردە: نۆژەنکردنەوەی قوتابخانەیەکی چۆڵکراو. دابینکردنی تەواوی ئامێرە تەکنەلۆژییەکان بۆ ئامادەیی ڕێچکەی تێکەڵاو. چالاکییەکان: سەرکەوتنی ٧٨ سیمینار (وەک باوترین شێوازی پێشکەشکردن)، ٤٤ خول، ٢٠ کۆبوونەوە، ١٤ کۆڕ و زیاتر لە ١٠١ چالاکی تری جۆراوجۆر. دابەشبوونی چالاکییەکان بەپێی سێکتەرەکان: ١. پەروەردەیی: ٦٦ چالاکی (٤,٠٣٠ سوودمەند). ٢. ژینگەیی: ٤٣ چالاکی (١,٦٠٢ سوودمەند). ٣. تەندروستی: ٣٤ چالاکی (١,٥٢٠ سوودمەند). ٤. گشتی و گەشەپێدان: ٥٦ چالاکی (١,٣٠٤ سوودمەند). ٥. پیشەیی: ٢٠ چالاکی (٧٥٠ سوودمەند). ٦. هونەری: ١٢ چالاکی (٤٠٣ سوودمەند). ٧. کارگێڕی: ٢٦ چالاکی (٤٠٢ سوودمەند). سوپاسی بێ پایانی هەموو ئەو کەسانە دەکەین کە لەم سێ ساڵەدا متمانەیان پێ بەخشیوین. ئێمە لە "پێنجوێن شاری فێربوون" بەردەوام دەبین لە کارکردن بۆ داهاتوویەکی گەشتر.

بۆ ئەوەی بە ڕوونیەوە لەگەڵتان بین، ئەمڕۆ ئامارە دیجیتاڵییەکانی پلاتفۆرمەکانمان و چالاکییەکانمان لە ماوەی ڕابردوودا بەم شێوەیەی خوارەوە دەخەینە ڕوو: ١. ئاستی گەیشتن و شوێنکەوتووان (بەپێی سەکۆکان): فەیسبووک (پەیج): ۱۸۱,۰۰۰ شوێنکەوتوو - ۲,۳۰۰ پۆست/ڤیدیۆ. فەیسبووک (ئەکاونت): ۹,۰۰۰ شوێنکەوتوو - ۱,۲٤۳ پۆست/ڤیدیۆ. تیکتۆک: ۱۹,۰۰۰ شوێنکەوتوو - ۱,٤۷۰ پۆست/ڤیدیۆ. ئینستاگرام: ٤,۷٤۳ شوێنکەوتوو - ۱,۱۱۲ پۆست/ڤیدیۆ. یوتیوب: ۳,۷٤۰ سەبسکرایبەر - ۱۸۰ ڤیدیۆ. ٢. چالاکیی گشتی: بە کۆی گشتی زیاتر لە ٦,۰۰۰ پۆست و ڤیدیۆ لە سەرجەم پلاتفۆرمەکاندا بڵاوکراونەتەوە، کە بریتین لە: ۲,۳۰۰ لە پەیجی فەیسبووک ۱,۲٤۳ لە ئەکاونتی فەیسبووک ۱,٤۷۰ لە تیکتۆک ۱,۱۱۲ لە ئینستاگرام ۱۸۰ لە یوتیوب تێبینی: ئێمە بەردەوامین لە ئامادەکاری بۆ فراوانکردنی چالاکییەکانمان لە یوتیوب و ئینستاگرام بەمەبەستی بڵاوکردنەوەی ڤیدیۆ و ناوەڕۆکی زیاتری پەروەردەیی و فێرکاری. سوپاس بۆ متمانە و بەردەوامیی ئێوە، کە هۆکاری سەرەکی سەرکەوتنی ئەم پڕۆژەیەن.

بۆ هەرسێ کادرانی کۆمیتەی (پێنجوێن وگەرمک و ناڵپارێز ) لە چوارچێوەی پرۆگرامی پێنجوێن شاری فێربووندا هەڵساین بە سازکردنی سیمینارێک لە لایەن بەڕێز (دکتۆر عبدالفتاح هەورامی) بە ناو نیشانی چۆن ژیانمان بەرهەم دار بکەین بە ئومێدی ئەوەی سودێکی زۆری بە هەموو لایەک گەیاندبێت.

بۆردی باڵای پڕۆگرامی پێنجوێن شاری فێربوون لەگەڵ بەڕێز م.عطا محمدلێپرسراوی نووسینگەی بەڕێز کاک قوبادتاڵەبانی جێگری سەرۆکی حکومەتی هەرێمی کوردستان،کۆبوونەوە و گفتوگۆیان لەسەر کار و چالاکیەکانی پڕۆگرامی پێنجوێن شاری فێربوون کرد.

سیمینارێکی تایبەت بە ناو نیشانی بنەماسەرەکیەکانی بەڕیوەبردن و سەرکردایەتی لەلایەن بەڕێز (دکتۆر ناجح سمین احمد) ئەنجامدرا بۆ بەڕێوەبەری فەرمانگەکانی سنوری قەزای پێنجوێن بە ئامادەبوونی هەردوو بەڕێز کاک (عەدنان کاکە ڕەش) قائیمقامی قەزای پێنجوێن سەرۆکی بۆردی پرۆگرامی پێنجوێن شاری فێربوون کاک (هێمن ابراهیم) بەڕێوەبەری ناحیەی ناڵپارێز و بەڕێوەبەری فەرمانگەکان.

پێنجوێن شاری فێربوون ٨-١١-٢٠٢٥ - لە هەنگاوێکی نوێدا بۆ پەروەردەیەکی بەردەوام و ژینگەپارێز، پڕۆگرامی پێنجوێن شاری فێربوون دەستی هاوبەشی بەرفراوان درێژکرد بۆ کۆمەڵگەی پەروەردەی کوردی ئەمریکی (KAFS)، لە چوارچێوەی دەستپێشخەرییەکی تایبەتدا کە ئامانجی پەرەپێدانی پەروەردەی کشتوکاڵی و ژینگەدۆستی لە ماڵەوە بۆ قوتابخانە. ئەم هەوڵەدا تیشک خراوەتە سەر گرنگی پەروەردەی ژینگەیی و چۆنیەتی گەیاندنی بیرۆکەی بەرپرسیارێتی سەبارەت بە سروشت بۆ نەوەی داهاتوو. کە بە ڕێباز و شێوازێکی زانستی دروست و ژینگەدۆستی و ژیاندۆستی جێبەجێدەکرێت، وەک پردێک دەبێت بۆ بەستنەوەی فێربوون بە ژیانی ڕۆژانە. پڕۆگرامی پێنجوێن، بە پشتگیری و پشتیوانی تەواوی خۆیەوە، ڕێگە بۆ ئەم دەستپێشخەرییە خۆبەخشییانە خۆش دەکات. لە کۆتایی کۆبوونەوە فەرمییەکەدا، لایەنەکان بەڵێنیان دا کە پڕۆژەی پەروەردەی ژینگەیی، بە هاوکاری و هاوبەشی هەردوو لایەن، لە قۆناغی کوفتارەوە بچێتە بواری جێبەجێکردنی ڕاستەقینە.

بەئامادەبوونی بەڕێزان قایمقامی قەزای پێنجوین، بەڕێوەبەری پەروەردەی پێنجوین، و ژمارەیەک لە سەرپەرشتیاران و بەرپرسان وخۆبەخشانی پڕۆگرامی پێنجوین شاری فێربوون پێشوازی کرا لە وەفدێکی وەزارەتی خوێندنی باڵا و توێژینەوەی زانستی حکومەتی عێراقی فیدراڵ . وەفدەکە بەسەرپەرشتی دکتۆر علی کامل لە فەرمانگەی نێردەری پەیوەندییە کلتورییەکان و بە هاوڕێیەتی دکتۆر عەدنان و دکتۆرە زەینەب . لە دانیشتنێکی ڕاوێژکاریدا کە لەگەڵ تیمی پڕۆگرام و خۆبەخشەکان دا ئەنجامدرا، تیایدا گفتوگۆ لەسەر گرنگترین چالاکیی و بۆنەکان کرا کە لە چوارچێوەی پڕۆگرامەکەدا جێبەجێکراون، کە ڕۆڵیان لە بەهێزکردنی پەروەردە و گەشەپێدانی ناوخۆییدا هەبووە. لە کۆتایی دیدارەکەدا، وەفدی میوان سوپاس و پێزانینی خۆیان دەربڕی بۆ ئەو هەوڵانەی کە لەلایەن بەرپرسانی پڕۆگرامەکەوە دەدرێت، بەهۆی ئەو دەستکەوتە تایبەتانەی کە بەدەستهاتوون ، بەشدار دەبن لە گەشەپێدانی بواری مرۆیی و پەروەردە لە قەزای پێنجوێن. هەروەک وەفدی وەزارەت جەختیان کردەوە لەسەر گرنگی گشتگیرکردنی ئەم ئەزموون ونمونەیە لە ناوچەکانی تر لە هەرێمی کوردستان و لە عێراق. پاشان بە سەردانێکی فەرمیی قائمقامییەتی پێنجوێن، کۆتایی بە سەردانی وەفدەکە بۆ شارۆچکەی پێنجوێن هات. سوپاسی تایبەت بۆ هەموو ئەوانەی بەشدار دەبن لەپێشخستنی پێنجوین تاببێت بە نموونەیەکی شایانی خوازراو لە پەروەردە و گەشەپێدان!

پڕۆگرامی پێنجوێن شاری فێربوون لەگەڵ سەنتەری ڕاوێژکاری کۆچی پارێزگای سلێمانی، وۆرک شۆپێکی تایبەتیان بۆ ئامادەکردنی سیڤی و ڕێنوێنی کار سازکرد. ئەم وۆرک شۆپە بەمەبەستی کەمکردنەوەی کۆچی نایاسایی و یارمەتیدانی هاوڵاتیان بۆ دۆزینەوەی دەرفەتەکانی کار ئەنجام درا.ئەم وۆرک شۆپەکە ڕۆژی سێشەممە ڕێکەوتی ٢٢/٧/٢٠٢٥ لە کاتژمێر ٢ی پاشنیوەڕۆ لە کتێبخانەی گشتی پێنجوێن پێشکەشکرا. ماوەی وۆرک شۆپەکە ٢-٣ کاتژمێر بێ بەرامبەر بوو.بەشداربووان فێری نووسینی سیڤی پیشەیی، تەکنیکەکانی گەڕان بەدوای کار، ئامۆژگاری دەربارەی دەرفەتەکانی کار لەناوەوە و دەرەوەی وڵات، و شارەزایی چاوپێکەوتن دەکران. وۆرک شۆپەکە لەلایەن ڕاهێنەران محمد بەهجەتسەعید و ناز زیرەک عادل پێشکەش کراوە. link

سیمینارێکی گرنگ و بەسود بۆ مامۆستاکانی قوتابخانەی گەرمکی بنەڕەتی کە لەلایەن بەڕێز(مامۆستا ئومێد عمر اسماعیل)کە ئەندامی بۆردی باڵای پڕۆگرامی پێنجوێن شاری فێربوونە ئەنجامدرا کە تیایدا باس لە تایبەتمەندیەکانی پلان دانان و قۆناغەکانی چۆنیەتی پلاندانان و جێبەجێکردنی کارایی و باشتر کردنی سەرچاوەکان بڕیاردان و جێبەجێ کردنی،گرفت و کەموکوڕییەکانی پلاندانان باس کرا. لە کۆتایشدا لەلایەن بەڕێوەبەری قوتابخانەی گەرمکی بنەڕەتی سوپاس و پێزانین بەخشرایە پڕۆگرامی پێنجوێن شاری فێربوون زۆر سوپاس بۆ مامۆستایانی قوتابخانەی گەرمکی بنەڕەتی و بەڕێوەبەر مامۆستا (ئازاد محمد ) کە زۆر هاوکارمان بوون لە بەڕێوەبردنی سیمینارەکە..

پڕۆگرامی پێنجوێن شاری فێربوون و ڕێکخراوی ملەکەوە بۆ پاراستنی ژینگە، لە کۆبوونەوەیەکی هاوبەشدا گرنگی پەیوەندی نزیک و هاوکاریی زیاتریان بۆ خزمەتکردنی ژینگە جەختکردەوە. لەم کۆبوونەوەیەدا بەڕێوەبەرانی هەردوو لایەن گفتوگۆیان لەسەر چەندین پڕۆژەی هاوبەشی ژینگەپارێزی کرد، بە مەبەستی: بەهێزکردنی هاوکاریی نێوان دوو دامەزراوە پەرەپێدانی چالاکیی هاوبەش بۆ پاراستنی ژینگە هەڵسەنگاندنی دەرفەتەکانی هاوکاری لە داهاتوودا بەشداربووان گەیشتنە ڕێکەوتن بۆ دارشتنی پلانێکی هاوبەش بۆ چالاکییەکانی داهاتوو

بەمەبەستی باسکردن لە چۆنیەتی دروستکردنی تیم و کارکردن بە تیم جیاکردنەوەی بوارەکان و باسکردن لە کارکردن لەگەڵیان و گۆڕینەوەی بیروڕاکان ئەمڕۆ لە لایەن بۆردی باڵای پڕۆگرامەوە کۆبوونەوەیەکی گشتگیر لەگەڵ تیمە خۆبەخشە جیاجیاکان ئەنجامدرا،کە لە ئایندەیەکی نزیکدا دەست دەکرێت بە کارکردن لەسەری.

واژووکردنی یاداشتنامەی لێکتێگەیشتن لە نێوان پێنجوین شاری فێربوون و ڕێکخراوی خەڵك بۆ گەشەپێدان(PDO) لە پێنجوێن. وەک دەستپێک ڕێکخراوی خەڵک بۆ گەشەپێدان بەشێک لە چالاکییەکانی لە چوارچێوەی پرۆژەیی (ژن و ئاشتی) بردۆتە ئەم قەزا جوانە بە ئامانجی ئەنجامدانی چالاکی زیاتر و کاری پێکەوەی لە پێنجوێن بۆ گەشەپێدان توانا و لێهاتووی ژنان.

(دەرمانێکی کاریگەر بۆ دەردێکی درێژخایەن). ئەمڕۆ ڕێکەوتی ٢٥-١-٢٠٢٥ لە پێنجوێن - سیمینارێکی گرنگ و پەروەردەیی سەبارەت بە دەرمانی کاردواخستن بەڕێوەچوو، کە تیایدا (گەشتیار غەریب)، کە خاوەنی چەندین نوسین و کتێبی وەڕگێردراوی بواری مامەڵە و بزنسە لە سێکتەرە جیاجیاکانی ژیاندا، باسی دەرمانی کاردواخستنی لە بوارە پەروەردەیی و بزنسییەکان کرد. بەشداربووان زانیاری بەسوودیان لەسەر ئەم بابەتە گرنگە وەرگرت. لە سیمینارەکەدا چەمکەکانی دواخستن و کاریگەرییەکانی لە بوارەکانی پەروەردە و بزنسدا شیکرانەوە. بەشداربووان دەرفەتی ئەوەیان بوو پرسیار بکەن و زانیاری زیاتر وەربگرن. کاری ئەمڕۆ مەسپێرە بە سبەی ... (دەرمانێکی گرنگە بۆ دەردێکی درێژخایەن). ئەم چالاکییە بەشێک بوو لە هەوڵەکانی پەرەپێدانی زانست و ئەزموون لە بوارەکانی پەروەردە و بزنسدا. لە کۆتاییدا سوپاس و پێزانین ئاڕاستەی بەڕێز گەشتیار غەریب و زێوەر غەریب کرا کە خاوەنی بزنسێکی گرنگ و سەردەمیین بەناوی (کارسازی شادمان)، کە لەبواری ڕاوێژ و پەرەپێدانی بزنسدا کاردەکەن.

زیرەکی سۆزداری و کاریگەریەکانی لەبواری بەڕێوەبردندا.. لە کاتێکدا زۆربەی بەڕێوەبەران و کارمەندان گرنگی بە لێهاتوویی تەکنیکی دەدەن، دوو کەسایەتی دیاری بواری دەروونناسی و کارگێڕی، پ.ی.د. محمدی خانی و پ.ی.د. عبدالفتاح هەورامی، لە سیمینارێکی تایبەتدا پەردەیان لەسەر نهێنی سەرکەوتنێکی گەورەتر لادا - زیرەکی سۆزداری. لەم سیمینارە دەوڵەمەندەدا، کە وەک پردێک وابوو لە نێوان زانست و هونەری بەڕێوەبردندا، بەشداربووان فێری ئەوە بوون چۆن هەستەکانیان بەشێوەیەکی کاریگەر بەکاربهێنن بۆ بەرزکردنەوەی ئاستی کارایی و داهێنان لە ژینگەی کارکردندا." تێبینی : سوپاسی بێ پایان بۆ بەڕێوەبەرایەتی پەروەردەی پێنجوێن کە هەمیشە هاوکار و هەماهەنگ بوون و هەمووکات بەدەم خزمەتی زیاتری کەرتی پەروەردەوەبوون هاوکاتیش پاڵپشتیەکی گەورە و کاریگەری پڕۆژەی پێنجوێن شاری فێربوونن.

لەچوارچێوەی کار و چالاکیە بەردەوامەکانی (پڕۆژەی پێنجوێن شاری فێربوون) دوو سیمیناری ساز کرد بۆ بەڕێز (پ.ی.د. عبدالفتاح حمە رحیم هەورامی)بەناو نیشانەکانی ١- سیمیناری یەکەم (لێهاتووییەکانی خوێندکارانی بەشە پزیشکیەکان لە سەدەی ٢١ دا: هەلی بەدەستهێنانی کار لە داهاتوودا). ٢- سیمیناری دووەم (زیرەکی سۆزداری و نهێنی سەرکەوتن لە کەرتی تەندروستیدا)