چالاکییەکان

ئێوارەی ئەمڕۆ ١-١٠-٢٠٢٣ دەستەیەک لە سەرپەرشتیارانی پڕۆگرام (پێنجوێن شاری فێربوون) سەردانی (تەکیە و مەدرەسەی شێخ حسین شێخ کاکە حەمەی کەسنەزانی) یان کرد و لەنزیکەوە گفتوگۆیان کرد لەگەڵ مورشیدی تەریقەتەکە بەڕێز ( شێخ باباطاهر شێخ حسین کەسنەزانی) و هەندێک لە موریدەکانی، بەمەبەستی هاوکاری و دروستکردنی پردی پەیوەندی لەنێوان تەکییە و پەیڕەوانیدا لە پڕۆژەی (پێنجوێن شاری فێربوون)دا،

پڕۆگرامەکەمان بەپێویستی دەزانێت بۆ برەودان بە بواری پەرەوەردە و فێرکردن و پێشخستنی کۆمەڵگا، بەشێوازێکی مەیدانی بۆ پێشکەشکردنی کۆڕ و سیمینارە تایبەتەکانمان بچینە خزمەتی سەرجەم چین و توێژەکانی کۆمەڵگا بەبێ جیاوازی، لەم سۆنگەیەوە وەک یەکەم کۆڕی مەیدانی بەگرنگمان زانی بچینە خزمەتی بەشێک لە مامۆستایانی ئایینی سنوری قەزای پێنجوێن لە (حوجرەی گەیلانی) و هەرلە خزمەتی ئامادەبوانی بەڕێزدا بەڕێز (د.محمد خانی) چەند وتەیەکی بەنرخی پێشکەش کرد کە تێیدا ڕۆڵ و گرنگی ئاین و مامۆستیانی ئایینی و تێڕوانییان سەبارەت بە پڕسەگرنگەکانی ڕۆژ خستە ڕوو ...

ئەمڕۆ بەرواری 13\9\2023 سیمینارێک ڕێکخرا بۆ سەرجەم گروپە وەرزشیە جیاجیاکانی شارۆچکەی پێنجوێن کە لەلایەن و بەڕێز (د.محمد خانی) سەرپەرشتیاری پڕۆژەکە سیمینارێکی تایبەتی پێشکەشی ئامادەبوان کرد و تێیدا ڕۆڵ و کاریگەری وەرزشی لە کۆمەڵگادا خستەروو هاوکات ڕۆڵ و هەوڵی ئامادەبوانی لە کۆمەڵگادا بەرز نرخاند...

برایەتی و هاوکاری و بەخشین هەوێنی گەشەکردن و بەردەوامی کۆمەڵگایە.. ئەمڕۆ بەرواری 12/9/2023 سەرپەرشتیاری گشتی پڕۆژە بەڕێز (زانا رحمان) و سەرپەرشتیاری پەروەردەیی پڕۆژە بەڕێز (د.محمد خانی) بەمەبەستی بەسیستەمکردن و یەکخستنی سەرجەم هەنگاو و هەوڵە خێرخوازیەکانی سنوری قەزای پێنجوێن، لەگەڵ سەرجەم ڕێکخراوە خێرخوازییە خۆبەخشەکانی شارۆچکەی پێنجوێن کۆبونەوە و تێیدا چەندین باس و بابەتی تایبەت بە بواری خۆبەخشی و بەخشین گفتوگۆی لەبارەوە کرا..

دەستەی باڵای پڕۆگرامی (پێنجوێن شاری فێربوون) سەردانی بەڕێوەبەرێتی پەروەردەی پێنجوێن دەکات.. ئەمڕۆ بەرواری 12/9/2023 بەمەبەستی دەربڕینی دەست خۆشی و سوپاس گوزاری بەڕێوەبەرێتی پەروەردەی پێنجوێن، هەریەک لە بەڕێزان بەڕێوەبەر و سەرپەرستیارانی پڕۆگرامی (پێنجوێن شاری فێربوون) سەردانی بەڕێوەبەرێتی پەروەردەی پێنجوێنیان کرد، تاوەکو لەنزیکەوە سوپاسی بەڕێوەبەری پەروەردە و فەرمانبەر و سەرپەرشتیار و مامۆستایانی سنوری پەروەردەی پێنجوێن بکەن، بۆ ئەو بەدەمەوە هاتن و هەماهەنگی و پشتیوانیە دڵسۆزانەیەیان کە بۆ پڕۆژەکەمان هەیانبووە لە ماوەی ڕابردودا، لای خۆشیانەکە بە سوپاسەوە لایەنی سەردانیکراو سەرەتا سوپاسی دەستەی سەرپەرشتیارانیان کرد بۆ هەڵبژاردنی شارۆچکەی پێنجوێن بەمەبەستی خزمەتکردنی پڕۆژەکەمان تێدا، هاوکات بڕیاری هاوکاری و هەماهەنگی و پشتیوانی خۆیان دوپاتکردەوە بۆ پڕۆگرامی (پێنجوێن شاری فێربوون). لە کۆتایدا هەردولا بڕیاری گەشەپێدان و هاوکاری و پشتیوانی زیاتریان لەبواری پەروەردەدا دا، بەمەبەستی بەرەوپێشبردنی کەرتی پەروەردە لەسنورەکەدا..

(31-8-2023)بەڕێز دکتۆر هەڤاڵ پارێزگاری سلێمانی بەئامادەبوونی بەڕێزان کاک غەریب بەڕێوەبەری ناحیەی گەرمک،کاک هێمن بەڕێوەبەری ناحیەی ناڵپارێز،سەردانی پڕۆژەی( پێنجوێن شاری فێربوون) یان کرد. هاوکات گفتوگۆ کرا لە سەر کێشەوگرفتەکانی کەرتی پەروەردە لەسنورەکەدا وەک پڕۆژەکە لەهەوڵداین هاوکاری کەرتی پەروەردە بکەین، وە بەڕێزیشیان بەڵێنیان دا چی لە توانیان دا بێت هاوکاری کەرتی پەروەردەی سنوری قەزای پێنجوێن بکات. بەناوی ستافی سەرپەرشتیاری پڕۆژەی پێنجوێن شاری فێربوونەوە زۆر سوپاسی بەڕێز دکتۆر هەڤاڵ پارێزگاری سلێمانیمان کرد کە بەردەوام هاوکاری فەرمانگەکانی قەزای پێنجوێنیان کردووە.

بە سوپاسەوە مامۆستایەکی بەتوانا و بەئەزمونی دیکە بەشداری پێشکەش کردنی خولەکانی پڕۆژەکەمان دەکات. لە درێژەی زنجیرە خول و سیمینارەکانی پڕۆژەی (پێنجوێن شاری فێربوون) بەرواری 30/8/2023 خولی (مامۆستای کاریگەر) لە لایەن بەڕێز دکتۆر (محمد عبداللە) پێشکەشکرا بەبەشداری مامۆستایانی هەریەکە لە قوتابخانەکانی (قەڵادێ - پێنجوێن - شلێر -دیدگا)

لەپاش کۆتایی هاتنی خولی (گەشەپێدانی مامۆستا)ی تایبەت بە بەڕێزان سەرپەرشتیارانی پەروەردەیی و مامۆستایانی خوێندنگەکانی (ملەکەوە و شۆڕشی نوێ ) بەسەرکەوتویی بڕوانامەی بەشداری خول بەخشرایە سەرجەم مامۆستایانی ئامادەبوو ..

لە درێژەی کار و چالاکیەکانی پڕۆژەی (پێنجوێن شاری فێربوون) بەرواری 29-8-2023 خولی پەرەپێدانی تواناکانی مامۆستا بەڕێوەچو لەلایەن مامۆستایانی خول (د.محمد خانی و د.عبدالفتاح هەورامی) کە بەشێوەی جیاجیا هەریەک لە سەرپەرشتیارە بەڕێزەکانی شارۆچکەی پێنجوێن و هاوکات مامۆستایانی قوتابخانەی (ملەکەوە و شۆڕشی نوێ) بەشداری خولەکەیانکرد.

بەبەشداری بەڕێوەبەر و لێپرسراوی فەرمانگەکانی شارۆچکەی پێنجوێن بەرواری ١٦/٨/٢٠٢٣ خولێکی تایبەت بە بواری کارگێڕی و بەڕێوەبردن لە لایەن بەڕێز (دکتۆر محێدین محمدخانی) ەوە پێشکەشی ئامادەبوان کرا و تێدا جەخت لە دروستکردنی گیانی بەرپرسیارێتی و ڕۆحی هەماهەنگی لەنێوان فەرمانگەکانی شارۆچکەکە و خزمەتکردنی هاوڵاتیان دوپات کرایەوە ..

لە درێژەی خولی (گەشەپێدانی توانای مامۆستا)دا و لە ڕۆژی سێهەمدا بەرواری (١٦/٨/٢٠٢٣) مامۆستایانی خوێندنگەی ملەکەوە خولێکی تایبەتیان پێشکەشکرا بەناوی (لێهاتویەکانی مامۆستا) کە لە لایەن دکتۆر (سۆران حمە أمین)ەوە خولەکە وترایەوە بە ماوەی (٦) کاتژمێر ، تێیدا هەڵە و کەموکورتی و چارەسەری ئاریشەکانی بەردەم مامۆستا بەشێوازێکی زانستیانە خرانە ڕوو ،بەمەبەستی بەرزکردنەوەی ئاستی زانستی مامۆستایان و بەرەو پێشبردنی ئەرکی پیشەیییان..

لە درێژەی خول و سیمینارەکانی پڕۆگرامی(پێنجوێن شاری فێربوون ) بەرواری ١٥/٨/٢٠٢٣ خولێکی یەک ڕۆژە ڕێکخرا بۆ سەرپەرشتیارانی پەروەردەیی،کە لە لایەن هەریەک لە بەڕێزان (د.عبدالفتاح هەورامی و د. محێدین محمد خانی)ەوە وترایەوە، بەمەبەستی ڕونکردنەوەی پڕۆگرامەکەمان و هاوکات داواکردنی هاوکاری هەماهەنگی لە سەرپەرشتیارە بەڕێزەکان، بە ئامانجی دروستکردنی هەماهەنگی و پەیوەندی لە نێوان ئامانجی پڕۆگرامەکەمان و ئامانجی سەرپەرشتیارانی پەروەردەی و دروستکردنی پردێکی پێکەوەبەستنی نێوان سەرپەرشتیار و مامۆستا و خوێندکار لە چوارچێوەی سیستمی پەروەردەیی سەردەم و پێشخستنی سەرجەم لایەنە گرنگەکانی پەروەردە و فێرکردن..

بەرواری ١٤/٨/٢٠٢٣ بە ئامادەبوونی مامۆستایانی خوێندنگەی ملەکەوە لە چوارچێوەی خولی گەشە پێدانی توانای مامۆستا لە دەسپێکی خولەکەدا وانەی (هونەری بەڕێوەبردن) لە لایەن بەڕێز (دکتۆر محێدین محمدخانی) وترایەوە و لەم خولەدا تیشک خرایە سەر چۆنیەیتی و هەوڵدان بۆ دروست بەڕێوەبردنی پۆل لەلایەن مامۆستاوە بەشێوەیەکی ئەکادیمی، هەروەها پتەوکردنی پەیوەندی مامۆستا و خوێندکار و هەوڵ بدرێت خوێندکار بکرێتە سەنتەری سەرجەم کارەکانی مامۆستا لە پۆلدا، هاوکات خستنەڕوی چەندین ڕێگە و تەکنیکی دروست لە بواری پەروەردە و فێرکردندا بەمەبەستی پێشخستنی بواری پەروەردە و فێرکردن کە ئامانجی پڕۆگرامەکەمان.

وەک ڕوون و ئاشکرایە کتێبخانە وەک پایەیەکی سەرەکی گرنگی کۆمەڵگا دادەنرێت لە بوارەکانی پەروەردە و فێرکردن، بەوهۆیەوە ئێمە لە پڕۆگرام (پێنجوێن شاری فێربوون) بە پێویستمان زانی وەک سەرجەم چین و توێژە گرنگەکانی شارۆچکەی پێنجوێن بەڕێوەبەر و کارمەندانی دڵسۆزی کتێبخانەی پێنجوێن بەشداری پێبکەین لەم پڕۆژە گرنگ و پڕبایەخەدا، بەسوپاسەوە سەرجەم کارمەندان ڕەزامەنی هاوکاری و پشگیری پڕۆژەکەیان ڕاگەیاند، ئێمەش وەک ستافی پڕۆژەی (پێنجوێن شاری فێربوون) سوپاس و دەستۆشی ئاڕاستەی هەڵوێستی ئەم کارمەندە دڵسۆزانە دەکەین و هیوای سەرکەوتنیان بۆ دەخوازین.

وەک ئاشکرایە ڕۆلی مامۆستایانی ئایینی لە کۆمەڵگادا زۆر گرنگ و کاریگەرە و هۆکاری ئاشتی کۆمەڵایەتی و پارێزەری سەرجەم بەها باڵاکانی کۆمەڵگان، لەمڕوانگەیەوە ئێمە وەک پڕۆگرامی (پێنجوێن شاری فێربوون) بە پێویستمان زانی هاوشێوەی سەرجەم چین و توێژەکانی تری شارۆچکەی پێنجوێن داوای بەهاناوە هاتن و بەشداریکردن لە مامۆستایانی ئایینی بکەین تاکو ببنە پایەیەکی گرنگی ئەم پڕۆژەیە،لەپاش پێشکەشکردنی سیمینارێک لەلایەن بەڕێز (د.محێدین محمد خانی)ەوە بۆ مامۆستایانی ئایینی سنوری شارۆچکەی پێنجوێن و ڕونکردنەوەی ئامانج و هۆکاری دروستبونی پڕۆژەی (پێنجوێن شاری فێربوون) بۆ ئامادەبوان ، بە خۆش حاڵیەوە و زۆر بە گرنگی و پڕ بایەخەوە مامۆستایانی ئایینی بڕیاری بەشداریکردن و پشتیوانیکردنی پڕۆژەکەیاندا، بەڵێنیاندا ئەم پڕۆژەیە بکەنە هەنگاوێک کە سەرتای خاڵی وەرچەرخانی گەشەپێدانی پەروەردە و فێرکردنبێت لە ناوچەکەدا.