چالاکییەکان

بەرواری١٧-٨-٢٠٢٤ کردنەوەی خولێکی پزیشکی(دەرزی لێدان و ڕاکێشانی خوێن) کە ماوەی (٣کاتژمێر)ی خایاند، هاوکات کە بەشی یەکەمی خولەکە بەشێوەی گوفتاری زانستی و بەشی دووەم بەشێوەی کرداری لەنێوان ئەو فێرخوازانەی بەشداری خولەکەیان کرد بوو ئەنجامدرا، سوپاس بۆ هاوکاری و هەماهەنگی ڕێکخراوی دڵارام کە هەستان بە ئەنجامدانی ئەم خولە گرنگە. لە کۆتایدا سوپاس و پێزانین پێشکەشی ڕاهێنەرانی خولەکە و بڕوانامەی بەشداری کردن پێشکەشی فێرخوازان کرا.

هۆشیاریەکی تەندروستی گرنگ.. لە چواچێوەی پڕۆگرامی پێنجوێن شاری فێربوون بەرواری ١١-٨-٢٠٢٤ لە لایەن بەشی تەندروستی پڕۆگرامەوە سیمینارێک سازکرا بە ناونیشانی (شێرپەنجەی مەمک) تایبەیت بە خانمان لە ناحیەی ناڵپارێز، لەم سیمینارەدا زانیاری تەواو خرایەڕوو بۆ خۆ پاراستن و دەرکەوتنی نیشانەکانی (شێرپەنجەی مەمک). لە کۆتایی سیمینارەکەشدا نامیلکەی خۆ پاراستن بەخشرا بە بەشداربووان. پێشکەشکردنی سیمینارەکە لە لایەن بەڕێزان:. سارا باقی محمود سۆزیار خالید ساڵح بەهیوای تەندروستی باش و سەلامەتی بۆ هەموولایەک. سوپاسی بێ پایان بۆ بەڕێوەبەرایەتی ناحیەی ناڵپارێز و سەرجەم ئەم کەسایەتی و لایەنانەی هاوکاری پڕۆگرامی پێنجوێن شاری فێربوونن.

لەدرێژەی چالاکیەکانی (🟠پڕۆگرامی پێنجوێن شاری فێربوون) 🟢ئەمڕۆ یەک شەممە ٩/٦/٢٠٢٤ بەشی تەندروستی پڕۆگرام سێ سیمیناری دیکەی سازکرد بۆ کۆمەڵێک خاتوونی بەڕێزی بەشداربووی خولی درومانی شارۆچکەی پێنجوێن. سیمینارەکان لە لایەن (ژیلا عبدالرحمان-پەیوەست بەختیار-چرۆ کمال-سەیران علی-سروە حسن-گوڵان کمال) پێشکەش کرا. ئەم سیمینارانە تایبەت بوو بە (شێرپەنجەی مەمک)،بە ڤیدیۆو نووسین هۆشداری و ڕێنمایی درا بە خانمان کە چۆن پشکنینی پێش وەختە بکەن و ڕێگاکانی خۆپاراستن لە شێرپەنجەی مەمک ئەنجام بدەن؟! سووپاس بۆ تەواوی هاوکاران لە پڕۆگرامی پێنجوێن شاری فێربوون.. هیوای تەندروستیەکی باش و سەلامەتی بۆ هەموولایەک دەخوازین ...

لەدرێژەی چالاکییە تەندروستییەکانی (🟠پڕۆگرامی پێنجوێن شاری فێربوون) 🟢ئەمڕۆ پێنج شەممە ٦/٦/٢٠٢٤ بەشی تەندروستی پڕۆگرام سیمینارێکی دیکەی سازکرد بۆ کۆمەڵێک خاتوونی بەڕێزی بەشداربووی خولی درومانی شارۆچکەی پێنجوێن، سیمینارەکە لە لایەن (سارا ئەحمەد) پێشکەش کرا. ئەم سیمینارە تایبەت بوو بە (شێرپەنجەی مەمک)، لە سیمینارەکەدا بە ڤیدیۆ و نووسین هۆشداری و ڕێنمایی درا بە خانمان کە چۆن پشکنینی پێش وەختە بکەن و ڕێگاکانی خۆپاراستن لە شێرپەنجەی مەمک ئەنجام بدەن؟! سووپاس بۆ تەواوی هاوکاران لە پڕۆگرامی پێنجوێن شاری فێربوون.. هیوای تەندروستیەکی باش و سەلامەتی بۆ هەموولایەک دەخوازین ...

لەپاش سەردانێکی مەیدانی سەرپەرشتیارانی (پڕۆگرامی پێنجوێن شاری فێربوون) نەخۆشخانەی هیوا بەمەبەستی گفتوگۆکردن و گەیاندنی سوپاسگوزاری پڕۆگرامەکە و دانیشتوانی شارۆچکەی پێنجوێن بە سەرجەم کارمەندانی ماندونەناسی نەخۆشخانەی هیوا، هاوکات هەر لەو سەردانەدا گفتوگۆ کرا لەبارەی شێوازەکانی ڕێگری و هەنگاوەکانی خۆ پاراستن لە نەخۆشی شێرپەنجە لە ناوچەکەدا، هەر لە کۆبونەوەکەدا لە لایەن سەرپەرشتیارانی (پڕۆگرامی پێنجوێن شاری فێربوون)ەوە بانگهێشتی بەڕێز بەڕێوەبەری نەخۆشخانەی هیوا کرا کە سەردانی پێنجوێن بکات و پێشنیاری دانان و دابینکردنی ئامێرێکی (مەمۆ گراف) بۆ شارۆچکەی پێنجوێن خرایە ڕوو، بەسوپاسەوە پاش پێشوازییەکی گەرم لەلایەن بەڕێز (د. یاد نەقشبەندی) بەڕێوەبەری نەخۆشخانەی هیواوە بۆ سەردانی سەرپەرشتیارانی پڕۆگرامەکە، پاشان ئاماژەی بەوەدا کە دابینکردنی ئامێرێکی (مەمۆ گراف) کارێکی زۆر گرنگ و پێویستە، چونکە بە دەست نیشانکردنی نەخۆشێکی شێرپەنجە لە ئاستی یەکەمدا (سەرەتای نەخۆشییەکە) کە بە تێچوو ماندوبوونێکی کەم توشبوو ڕزگاری دەبێت، وە توشبوو لەوە دەپارێزێت کە نەخۆشییەکە بگاتە ئاستێکی مەترسیدار کە لەپاش خەرجکردنی تێچویەکی زۆر و ئەگەرێکی کەم لەڕزگار بوون لە کۆتاییدا چارەنوسی نەخۆش بەکارەسات کۆتاییدێت، هاوکات بەڵێنیدا سەردانی شارۆچکەی پێنجوێن بکات لە ئایندەیەکی نزیکدا. بەو هۆیەوە خۆشبەختانە ئەمڕۆ بەرواری (٢٨-٥-٢٠٢٤) بەسوپاسەوە بەڕێز بەڕێوەبەری نەخۆشخانەی هیوا بەمەبەستی لەنزیکەوە ئاگاداربوونی بارودۆخی کەرتی تەندروستی بەگشتی و نەخۆشی شێرپەنجە بەتایبەتی سەردانی شارۆچکەکەی کرد و وێستگەی یەکەمی سەردانەکەی نەخۆشخانەی گشتی شەهیدانی پێنجوێن بوو، پاشان سەردانی پڕۆگرامی پێنجوێن شاری فێربوون لە بینای کتێبخانەی گشتی پێنجوێن کرد، لەدوای سەردانە مەیدانییەکەی (د.یاد نەقشبەندی) بەڵێنی دوپاتکرەوە کە بەوپەڕی توانایانەوە هەوڵی دابینکردنی ئامێرێکی (مەمۆ گراف) دەدەن لە ئایندەدا، شیاوی باسە لەدوای دابینکردن و دانانی ئامێرەکەشەوە (پڕۆگرامی پێنجوێن شاری فێرببون) بەڵێن دەدات بە دامەزراندنی (دوو) کارمەند لەسەر ئەستۆی پڕۆژەکە بۆ ماوەی (پێنج) ساڵ.

ئەمرۆ لەبەرواری 29-4-2024 بۆردی بالای پڕۆگرامی پێنجوین شاری فێربوون سەردانی نەخۆشخانەی هیوایان كرد. بەمەبەستی دەستخۆشی پێزانین و نرخاندنی هەوڵ و ماندوبوونی زۆری كارمەندانی دڵسۆز و پزیشكانی هیمەت بەرزی نەخۆشخانەكە وەك بەشێك لەكارەكانی پڕۆگرامی پێنجوێن شاری فێربون. هەروەها لەگەڵ بەڕێز(دکتۆریادنەقشبەندی)بەڕێوەبەری نەخۆشخانەی هیوا گفتوگۆکرا بۆ ئەنجامدانی كاری هاوبەش بۆ ڕێگەگرتن لە شێرپەنجە و پێشكەشكردنی باشترین خزمەتگوزاری بۆ توشبووانی شێرپەنجە لەشاری پێنجوین و دەروبەری و هەروەها دانانی پلانێكی دروست بۆ بەرزكردنەوەی ئاستی هوشیاری بۆ خۆپاراستن و گرنگی زووناسینەوە لەرێگای پشكنینی پێشوەخت و هەوڵدان بۆ دابینكردنی ئامێری مەمۆگرام و كۆلۆنۆسۆكپی و هتد . بریارە لەداهاتوویەکی نزیکدا تیمێكی نەخۆشخانەی هیوا سەردانی شاری پێنجوێن بكەن بەمەبەستی شیکارکردنی داتایی نەخۆشانی شێرپەنجە لەسنوری قەزای پێنجوێن دا و هەروەها پشت بەستن بەحاڵەتە تۆماركراوەكانی شێرپەنجە لەپێنجوێن پلانی داهاتوو دادەنرێت..

لەدرێژەی چالاکیەکانی (🟠پڕۆگرامی پێنجوێن شاری فێربوون) 🟢ئەمڕۆ پێنج شەممە ١٨/٤/٢٠٢٤ بەشی تەندرووستی پڕۆژە سیمینارێکی دیکەی سازکرد بۆ خوێندکارە خانمەکانی ئامادەیی (ڕێچکەی تێکەڵاو) لە شارۆچکەی پێنجوێن.کە سیمینارەکە لەلایەن ڕاهێنەر : 🚺 (میدیا حامد عبداللە)ەوە پێشکەش کرا،ئەم سیمینارە تایبەت بوو بە (شێرپەنجەی مەمک)،بە ڤیدیۆو نووسین هۆشداری و ڕێنمایی درا بە خانمان کە چۆن پشکنینی پێش وەختە بکەن و ڕێگاکانی خۆپاراستن لە شێرپەنجەی مەمک چی یە؟! سوپاس بۆ تەواوی هاوکاران لە ئامادەیی ڕێچکەی تێکەڵاو و ستافی تەندروستی پڕۆژە... هیوای تەندروستیەکی باش و سەلامەتی بۆ هەموولایەک دەخوازین ...

لەدرێژەی چالاکیەکانی (🟠پڕۆگرامی پێنجوێن شاری فێربوون) 🟢ئەمڕۆ چوار شەممە ٦/٣/٢٠٢٤ لە چوارچێوەی (پڕۆگرامی پێنجوێن شاری فێربوون)،بەشی تەندرووستی پڕۆگرام چوار سیمیناری دیکەی سازکرد بۆ کۆمەڵێک خاتوونی بەڕێزی بەشداربووی خولی درومانی شارۆچکەی پێنجوێن ،کە سیمینارەکان لەلایەن ڕاهێنەران : 🚺 گوڵان کەمال 🚺 سارا ئەحمەد 🚺 سەیران عەلی 🚺 سارا باقی پێشکەش کران،ئەم سیمینارانە تایبەت بوون بە زانیاری هۆشداری و خۆپاراستن لە(شێرپەنجەی مەمک)،کە بە ڤیدیۆو نووسین هۆشداری و ڕێنمایی درا بە خانمان کە چۆن پشکنینی پێش وەختە بکەن و ڕێگاکانی خۆپاراستن لە شێرپەنجەی مەمک چی یە؟! سووپاس بۆ تەواوی هاوکاران لە پڕۆگرامی پێنجوێن شاری فێربوون.. هیوای تەندروستیەکی باش و سەلامەتی بۆ هەموولایەک دەخوازین ...

🟢ئەمڕۆ پێنج شەممە ٢٢/٢/٢٠٢٤ لە چوارچێوەی (پڕۆگرامی پێنجوێن شاری فێربوون)،بەشی تەندرووستی هەستاین بە کردنەوەی سیمینارێکی دیکە بۆ کۆمەڵێک خاتوونی بەڕێزی شارۆچکەی پێنجوێن ،کە سیمینارەکە لەلایەن هەردوو ڕاهێنەر:🚺بینایی عمر و 🚺سۆزیار خالید) پێشکەش کرا،ئەم سیمینارە تایبەت بوو بە (شێرپەنجەی مەمک)،بە ڤیدیۆو نووسین هۆشداری و ڕێنمایی درا بە خانمان کە چۆن پشکنینی پێش وەختە بکەن و ڕێگاکانی خۆپاراستن لە شێرپەنجەی مەمک چی یە؟! سووپاس بۆ تەواوی هاوکاران لە پڕۆگرامی پێنجوێن شاری فێربوون.. هیوای تەندروستیەکی باش و سەلامەتی بۆ هەموولایەک دەخوازین ...

لە چاورچێوەی کارو چالاکییە تەندروستییەکانی پڕۆگرامی پێنجوێن شاری فێربوون و لە درێژەی زنجیرە سیمینارەکانی تایبەت بە شێرپەنجەی مەمک،بەمەبەستی هۆشیارکردنەوەی خانمانی شارۆچکەی پێنجوێن لە زیانەکانی شێرپەنجەی مەمک و هاوکات هۆکارەکانی سەرهەڵدان و ڕێگاکانی خۆپشکنین و خۆپاراستن لە شێرپەنجەی مەمک، بەئامادەبوونی ژمارەیەک خانمی شارۆچکەی پێنجوێن، پێنج شەممە ٢١/١٢/٢٠٢٣ پڕۆگرامی (پێنجوێن شاری فێربوون) بــــە هــــــاوبــــــەشــــی لــــەگــــەڵ(ڕێــکــخـراوی لایـف ســکـــیــڵـــس) سیمینارێکیان سەبارەت بە( شێرپەنجەی مەمک) سازکرد بۆ ڕاهێنەرانی ڕێگەپێدراوی سەنتەری هۆشیاری تەندروستی سلێمانی و پڕۆگرامی پێنجوێن شاری فێربوون : 🚺ژیلا عبدالرحمن مصطفی 🚺گـــوڵان کــــمـــــال رحــمــان

بەمەبەستی پێزانین ونرخاندنی هەوڵ وماندبوونەکانیان لەخزمەتی پەروەردە ،پڕۆگرامی پێنجوێن شاری فێربوون قەڵغانی سوپاس وپێزانینی بەخشیە بەڕێزان مامۆستا (لەتیف حسێن) بەرێوەبەری پەروەردە لەپای هەوڵەکانی لەنووسینی پەروەردەیی وخزمەتی کەرتی پەروەردە هەروەها قەڵغانی سوپاس پێشکەشکرا بەستافی پەروەردەی شارباژێر لەپای کاری پێکەوەیی وداهێنانکاری لە بواری پەروەردە .

بەخشینی بڕوانامەی ڕاهێنەریی بۆ بەشداربوانی خولی پێگەیاندنی ڕاهێنەران لە هۆشیارکردنەوەی خانمان بۆ شێرپەنجەی مەمک.. خولەکە لە لایەن پرۆژە پێنجوێن شاری فێربوون و سەنتەری هۆشیاری تەندروستی ڕێکخرابوو، کە لە لایەن بەڕێز (دکتۆر عبدالفتاح حمەرحیم هەورامی) بەڕێوەبەری پڕۆژەی پێنجوێن شاری فێربوون و بەڕێوەبەری سەنتەری هۆشیاری تەندروستی وترایەوە. خولەکە بۆ ماوەی دوو ڕۆژی پڕ چالاکی و زانیاری ورد و پێویست بۆ فێرخوازەکان بەردەوام بوو کە ماوەی ١٤ کاژێری خایاند.. لەکۆتاییدا بڕوانامەی بوون بە ڕاهێنەری لەبواری وهۆشیاری شێرپەنجەی مەمک درا بە بەشداربووان کە لەلایەن پرۆژەی پێنجوێن شاری فێربوون و سەنتەری هۆشیاری تەندروستییەوە پاڵپشتی کرابوو..

بەهەڵمەتێک ڕووبەڕوی شێرپەنجە دەبینەوە.. ئەمڕۆ هەینی بەرواری ١٧/١١/٢٠٢٣ بەهاوبەشی لەگەڵ سەنتەری (هۆشیاری تەندروستی) پڕۆگرامی (پێنجوێن شاری فێربوون) خولێکی دوو ڕۆژەی تایبەت بە (شێرپەنجەی مەمک) بۆ چەند فێرخوازێک کردەوە، بەمەبەستی ڕاهێنانیان وەک ڕاهێنەر لەم بوارەدا، شیاوی باسە خولەکە لە لایەن بەڕێز (پ.ی.دکتۆر عبدالفتاح حمە رحیم هەورامی) بەڕێوەبەری سەنتەری هۆشیاری تەندروستی و پڕۆگرامی پێنجوێن شاری فێربوونەوە بە ١٤ کاتژمێر و لە دوو ڕۆژدا دەوترێتەوە.

بەرواری ١٣-١١-٢٠٢٣ بەمەبەستی پێشخستن و باشترکردنی مامەڵە و هەڵسوکەوتی دروست لەنێوان نەخۆش و پزیشک و کارمەندانی کەرتی تەندروستی لە کەرتی تایبەت و گشتی و ڕوبەڕو بونەوەی ئەو ئاڵەنگاری و ئاریشانەی کە ڕوبەڕویان دەبێتەوە، سیمینارێک لە لایەن (د.عبدالفتاح هەورامی)ەوە پێشکەش کرا بە ئامادەبونی بەشێک لە پزیشک و کارمەندانی بەڕێوەبەرێتی تەندروستی پێنجوێن.

ئەمڕۆ بەرواری ٢٠٢٣/١٠/١٧ سیمینارێک ڕێکخرا بۆ کارمەندانی تەندروستی و خۆبەخشەکان لە لایەن ( پ.ی.دکتۆر عبدالفاتح هەورامی ) بەڕێوەبەری پرۆژە بەمەبەستی دانانی میکانیزمێک بۆ دەستپێکردن و کردنەوەی چەندین خول و سیمینار و ڕاهێنان لە ئایندەدا بۆ کارمەندانی تەندروستی و هاووڵاتیانی شارۆچکەی پێنجوێن بەگشتی بۆ بەرزکرنەوەی هۆشیاری تەندروستی تاک لە شارۆچەی پێنجوێن.